| e-texts navigator |
| Wylie |
144b1 མའི་ཆག་ཚད་འབབ་པ་ཡིན་གྱིས་ཁྱེད་ཀྱིས་གུས་པར་གྱིས་ཤིག། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དགའ་བོ་ལངས་ཏེ་སྤྱི་བོས་ཕྱག་འཚལ་ནས། དྲན་མིང་དུ་མི་བརྗེད
144b2 པར་གཟུངས་སུ་འཛིན་ཏོ།། འཁོར་མང་པོ་འདུས་པས། བཅོམ་ལྡན་འདས་ལ་གསོལ་པ། བཅོམ་ལྡན་འདས་ཀྱིས་བཀའ་སྩལ་པ་དང་། ཕུང་པོ་ལྔའི་གཟུགས་ཀྱི་ནང་ནས། ཡང་དག་པ
144b3 ལགས་པའི་འདུ་ཤེས་རྣམ་པ་ལྔའི་རྩ་བ་ཕྲ་བའི་ཡང་ཕྲ་བའི་དོན་ཏེ། དེ་བཞིན་གཤེགས་པས་བདག་ཅག་ལ་སོགས་པ་ལ་རྟག་ཏུ་བཀའ་སྩལ་ཅིང་བཤད་དེམ་གསུངས་ན། ཡང་ཕུང་པོ་ལྔ
144b4 གཅིག་ཅར་འདག་ཅིང་འབྱུང་ངམ། རིམས་ཀྱིས་ཟད་དེ། ལྔའི་མཚམས་ནི་གང་ལགས། དེ་བཞིན་གཤེགས་པའི་ཐུགས་རྗེ་ཆེན་པོས་དགོངས་ཏེ། མ་འོངས་པའི་དུས་ཀྱི་སེམས་ཅན་ཐམ་ཅད
144b5 ཀྱི་སྣང་ཞིང་གསལ་བའི་སེམས་ཀྱི་མིག་ཏུ་འགྱུར་བས། འཁོར་མང་པོ་འདི་ཉིད་ལ་བཤད་དུ་གསོལ། བཅོམ་ལྡན་འདས་ཀྱིས། དགའ་བོ་ལ་བཀའ་སྩལ་པ། ངོ་བོ་ཉིད་ཀྱི་ཚོར་བ་དམ་པ། གས
144b6 བརྒྱས་པ་ནི་དག་སྟེ། སྐྱེ་ཤི་ལ་མི་གནས་ན། དྲི་མའི་བསྒོས་པ་ནས། ནམ་མཁའི་ཁམས་ཐམས་ཅད་ཀྱི་བར་དུ། ཡང་དག་པའི་མ་ཡིན་པའི་བར་དུ་འདུ་ཤེས་ཀྱི་རྒྱུ་བའི་ཕྱིར་སྐྱེ་བ་གཡོས་ཏེ།།
144b7 དེའི་བཞིན་ངོ་བོ་ཉིད་ཀྱི་ཚོར་བ་དམ་པ། གསལ་བ་རྒྱལ་བ་ལས་ཡང་དག་པ་མ་ཡིན་པའི་འཇིག་རྟེན་གྱི་སྣོད་ཀུན་སྐྱེས་སོ།། དཔེར་ན་ཡེནན་ཏ་འཁྲུལ་ཏེ། མགོ་མེད་པ་རྨིས་ནས་གྲིབ་མ་ལ་མགོ།
iiif viewer powered by OpenSeadragon
