| e-texts navigator |
| Wylie |
135b1 ཅན་དག་གི་ཤེས་པའི་རང་བཞིན་ནི་ངས་ཀྱང་མི་ཤེས་སོ་ཞེས་དེའི་ཕྱིར། མཐའ་དང་བྲལ་བའི་སེམས་མ་ཐོབ་ནས། མཐའ་ལ་གནས་པའི་སེམས་ཀྱང་ཡོད་པ་སྙམ་མོ།། བཞི་པ་ནི་འདུ་བྱེད་ཀྱི།
135b2 སྟོང་པ་ཉིད་རྗེས་བཅད་ན། སེམས་ཅན་ཐམས་ཅད་ལུས་གཅིག་གི་ནང་ནས་ཕྱེད་ནི་སྐྱེ། ཕྱེད་ནི་འཆིའོ་སྙམ་སྟེ། འཇིག་རྟེན་གྱི་ནང་ན་ཕྱེད་ནི་མཐའ་ཡོད། ཕྱེད་ནི་མཐའ་དེ་དང་བྲལ་བར་རྟོག་པའི
135b3 ཕྱིར་མུ་སྟེགས་ཅན་མཐའ་ཡོད་པ་དང་མཐའ་མེད་པར་ལྟ་བའི་ནང་དུ་ལྷུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་ཏེ། དེའི་མིང་ནི་མཐའ་ཡོད་པའི་ལྟ་བའི་མུ་སྟེགས་ཅན་བཞི་པའོ།། རིགས་ཀྱི་བུ་དག
135b4 ཡང་ཏིང་ངེ་འཛིན་ཡང་དག་པ་ཉིད་ལ་རྩེ་གཅིག་ཏུ་བར་ཆད་མེད་ན། བདུད་རྣམས་སེམས་ཐག་ཆད་དོ།། སྐྱེ་བའི་རིགས་ཀྱི་རྩ་བ་ཟད་དེ། ཟབ་མོ་དང་བདེ་བ་བརྟགས་ན་ཉོན་མོངས། རྟག་པར་འཁྲུལ
135b5 པའི་གཞི་རྒྱུ་བ་མ་ཟད་པས་རྟོག་པ་སྐྱེས་ཏེ། མི་དེ་ནི་ཕྱིན་ཅི་ལོག་བཞིའི་མི་སྐྱེ་བའི་ཁྱབ་པར་འཁྲུག་པའི་རྗེས་སུ་དཔོག་པའི་མི་བདེན་པའོ།། དེ་ལ་གཅིག་ནི་མི་དེས་སེམས་ལྡང་དུབ་ཀྱི་རྩ་བ་ལ་བརྟག།
135b6 ན། སེམས་ནི་རྒྱུན་དུ་རྒྱུ་བར་མཐོང་སྟེ། དེ་ནི་འགྱུར་བ་གཅིག་གིས་གཅིག་བསགས་པ་ནི་རྟག་པ་སྙམ་སྟེ། སེམས་ཡོད་པར་མཐོང་བ་ནི་སྐྱེས་པ་ཞེས་བྱ། མཐོང་བ་ཉིད་མི་མཐོང་བ་དེ་ནི་འགོག
135b7 པ་ཞེས་བྱའོ།། སེམས་གཅིག་གིས་བསགས་པ་རྒྱུ་དེའི་གནས་མི་མཐོང་བ་ནི། རང་བཞིན་མ་ཆད་པའི་གནས་ཏེ། དེ་ནི་འཕེལ་བའོ།། ཡང་དག་པ་ཐུབ་པ་ཡིད་ཀྱི་ཐུབ་པ་ནང་ནས་འབྲེལ་བ་ནི
iiif viewer powered by OpenSeadragon
