| e-texts navigator |
| Wylie |
134a1 ནང་ནས། རང་བཞིན་རྒྱུ་མེད་ཀྱང་སྤྱོད་པའི་ཚེ། ཤེས་པར་འགྱུར་རོ་ཞེ་ན། བསྐལ་པ་ཉི་ཁྲིའི་བར་དུ་ཕྱོགས་བཅུའི་སེམས་ཅན་ཇི་རྙེད་ཡོད་པའི་སྐྱེ་ཤིའི་འཁོར་བར་སྐྱེ་ཤིག།
134a2 འཁོར་ཏེ་གྱེས་ཤིང་སྟོར་མ་མྱོང་བས་དེ་ནི་རྟག་པ་སྙམ་དུ་སེམས་སོ།། དེ་ལ་གཉིས་པ་ནི་མི་ངས་ཁམས་བཞི་ལ་བལྟས་ནས། ཁམས་བཞིའི་རང་བཞིན་རྟག་པར་འདུག་སྟེ། སྤྱོད་ཅིང
134a3 སྦྱས་པ་ལས་ཤེས་པར་འགྱུར་རོ།། བསྐལ་བ་བཞི་ཁྲིའི་བར་དུ་ཕྱོགས་བཅུའི་སེམས་ཅན་གྱི་སྐྱེ་ཤི་ཇི་སྙེད་པ་ཀུན་རྟག་སྟེ། གྱེས་ཤིང་སྟོར་མ་མྱོང་སྟེ། དེ་ནི་རྟག་པ་སྙམ་མོ།། དེ་ལ
134a4 གསུམ་དུ་ནི་མི་དེས་སྐྱེ་མཆེད་དྲུག་ཐམས་ཅད་ན། འཇུག་པའི་ཡིད་ཀྱི་རྣམ་པར་ཤེས་པའི་ནང་ན། ཐོག་མ་ནས་གནས་མེད་དེ། རང་བཞིན་རྟག་པའི་ཕྱིར་སྤྱད་ཅིང་སྦྱངས་ན་གདོད་ཤེས་སོ།།
134a5 བསྐལ་པ་བརྒྱད་ཁྲིའི་བར་དུ་སེམས་ཅན་ཐམས་ཅད་འཁོར་ཏེ། དེ་ཡེ་ནས་རྟག་པ་ལ་གནས་པས། གྱེས་ཤིང་སྟོར་བ་མ་མྱོང་སྟེ། དེ་ལྟར་རྟག་གོ་སྙམ་མོ།། དེ་ལ་བཞིན་ནི་མི་དེས་འདུ
134a6 ཤེས་ཀྱི་རྩ་བ་ཟང་ནས། འཁོར་བའི་སྐྱེ་ཤི་མེད་དེ། སྐྱེ་བ་དང་འཆི་བའི་འཁོར་བའི་རྒྱུ་བ་འགོག་པ་དང་། འདུ་ཤེས་དང་། སེམས་ནི་ཡོངས་ནས་ཟད་པས། ང་ནི་ཡོད་ནས་མང་དོ།། དེའི
134a7 དོན་གྱི་ནང་ན་རང་གི་སྐྱེ་ཤི་མེད་པར་གྲུབ་སྟེ། རྟག་གོ་སྙམ་དུ་རྟོག་པའི་ཕྱིར། ཡང་དག་པར་ཤེས་པའི་གྲོལ་སྟོར་ནས། མུ་སྟེགས་ཀྱི་ནང་དུ་ལྷུང་སྟེ། བྱང་ཆུབ་ཀྱི་ལམ་ནི་འཁྲུལ་ཏོ།།
iiif viewer powered by OpenSeadragon
