| e-texts navigator |
| Wylie |
130b1 ཚུལ་ཁྲིམས་དང་འདུལ་བ་ལ་ཡང་སྐུར་པ་འདེབས་ཤིང་། རབ་ཏུ་བྱུང་བ་ལ་བརྙས་ཤིང་ཚོད་འཛིན་ཏོ།། ཚིག་ཏུ་ནི་རྟག་པར་རྒྱུ་མེད་འབྲས་བུ་མེད་དེ། ལན་ཅིག་ཤི་ནས་ཡུན་དུ་མེད་དེ་།
130b2 ཡང་སྲིད་ཕྱི་མ་དང་འཕགས་པ་དང་། སེམས་ཅན་གྱི་ལུས་ཀྱང་མེད་དོ་ཞེས་སྨྲའོ།། སྟོང་ཞིང་དག་པ་ཐོབ་མོད་ཀྱི། ལྐོག་ནི་མི་ཚངས་པར་སྤྱད་ཅིང་། གཡེམ་པ་སྤྱོད་དོ།། ཡང་སྟོང་པའི
130b3 སེམས་ཐོབ་སྟེ། རྟེན་ཅིང་འབྲེལ་བར་འབྱུང་བ་མེད་དོ་ཞེས་སྨྲའོ།། དེའི་མིང་ནི་ཉི་ཟླ་སྒྲིབ་པར་བྱེད་པའི་ལྷ་མ་ཡིན་སྒྲ་གཅན་དང་། གསེར་དང་། ཤེལ་དང་། བཀྲ་ཤིས་ཀྱི་རྩཝ་དང་། གྱི
130b4 ལིང་དང་། རུས་སྦལ་དང་། གཞན་ལོ་སྟོང་ཁྲི་ལོན་པའི་ཚེ་རིང་པོ་ལྷ་མ་ཡིན་དུ་གྱུར་པ་དེ། ཡུལ་ཁམས་སུ་སྐྱེས་ཞིང་འབྱུང་བ་རྒས་པ་དང་། བདུད་དུ་གྱུར་ནས་མི་དེ་ལ་གནོད་པར་བྱེད་དོ།། དེ་ནས
130b5 མི་དེ་ལས་སྐྱོ་ཞིང་ཆོག་པའི་སེམས་སྐྱེས་ནས། དེའི་ལུས་དང་བྲལ་བ་དང་། མཁན་པོ་དང་སློབ་མར་བཅས་ཏེ་རྒྱལ་པོའི་གྱོད་ལ་ཐོགས་སོ།། ཁྱོད་འཁོར་བ་ལ་མ་འཇུག་པར་སྔར་ཚོར་བར་གྱིས་ཤིག།
130b6 འཁྲུག་ཅིང་བསླུས་པར་མི་ཤེས་ན། མཚམས་མེད་པའི་སེམས་ཅན་དམྱལ་བར་ལྷུང་ངོ་།། རིགས་ཀྱི་བུ་དག་ཚོར་བའི་ཕུང་པོ་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས། ཏིང
130b7 ངེ་འཛིན་གསལ་བ་རྒྱས་པ་འབྱུང་བ་ལས། སེམས་ལ་ཚེ་རིང་པོར་སྲེད་པའི་སེམས་སྐྱེས་ཏེ། ཡུན་རིང་དུ་ཚེ་རིང་བ་ཚོལ་ཞིང་སྲེད་དེ། ཕུང་པོའི་ཡན་ལག་བོར་ནས། ཅིག་ཅར་ཚེ་ལ་རང་དབང་གིས་ལུས
iiif viewer powered by OpenSeadragon
