| e-texts navigator |
| Wylie |
99a1 དེ་ལྟར་ན་དེ་བཞིན་གཤེགས་པ་མཆོག་ཏུ་སྐུ་ནི་རིང་ངོ་།། འོད་སྲུངས་ཆེན་པོ་དང་རུས་གཅིག་པ། གཞན་ཡང་འདི་ལྟར་ཆུ་ཀླུང་ཆེན་པོ་བཞི་མ་དྲོས་པའི་ནང་ནས་འབྱུང་བ་དེ་བཞིན།
99a2 དུ། ཚེ་རིང་བའི་ཚོགས་ཐམས་ཅད་ཀྱང་དེ་བཞིན་གཤེགས་པ་ལས་འབྱུང་ངོ་།། འདི་ལྟར་རྟག་པ་ཐམས་ཅད་ཀྱི་ནང་ན་ནི།། ནམ་མཁའ་མཆོག་ཏུ་རྟག་པ་ཡིན་ལ། དེ་བཞིན་གཤེགས་པའང་ནམ་མཁའ
99a3 བཞིན་དུ་རྟག་གོ།། འདི་ལྟར་ཞི་བར་བྱེད་པ་ཐམས་ཅད་ཀྱི་ནང་ན་ནི། མར་འབབ་ཞིག་མཆོག་ཏུ་ཞི་བར་བྱེད་པ་ཡིན་ལ། དེ་བཞིན་གཤེགས་བཞི་པ་དང་བསིལ་བར་གྱུར་པའང་མར་དང་འདྲ་བའི་ཆོས་སྟོན་ཏོ།།
99a4 འོད་སྲུངས་ཆེན་པོ་དང་རུས་གཅིག་པས་གསོལ་པ།། བཅོམ་ལྡན་འདས་གལ་ཏེ་དེ་བཞིན་གཤེགས་པ་མཆོག་ཏུ་སྐུ་ཚེ་རིང་བ་ལགས་ན། སེམས་ཅན་ཐམས་ཅད་ལ་སྨན་པའི་སླད་དུ། བཅོམ་ལྡན་འདས
99a5 བསྐལ་པའམ། བསྐལ་པ་ལས་ལྷག་པར་ཡང་ཡུན་རིང་དུ་བཞུགས་ཤིང་། སྤྲིན་ཆེན་པོ་བཞིན་དུ་དམ་པའི་ཆོས་ཀྱི་ཆར་ཡང་རབ་ཏུ་དབབ་ཏུ་གསོལ། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས
99a6 ཆེན་པོ་དང་རུས་གཅིག་པ།། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་མཐར་ཐུག་པར་འགྱུར་བའི་འདུ་ཤེས་མ་སྐྱེད་ཅིག། འོད་སྲུངས་ཆེན་པོ་དང་རུས་གཅིག་པ
99a7 འདི་ན་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ། འདི་ལས་ཕྱི་རོལ་པའང་རུང་སྟེ། མངོན་པར་ཤེས་པ་ལྔ་ལ་དབང་ཐོབ་པོ་དེའང་བསྐལ་པ་འམ། བསྐལ་པ་ལས་ལྷག་པར
iiif viewer powered by OpenSeadragon
