| e-texts navigator |
| Wylie |
95b1 དང་། ལམ་མི་བཟད་པ་བྱེད་པའི་སེམས་ཅན་རྣམས་ངེས་པར་བསྐལ་པའི་ཕྱིར། འགྲོ་བ་ཐམས་ཅད་ཀྱི་རྗེས་སུ་འཇུག་པར་བྱེད་ཅིང་། གྲོལ་ནས་གཞན་འགྲོལ་བར་བྱའོ་སྙམ་ནས། དེ་ལ་འཛིན
95b2 བུ་དང་དྲན་པའི་སེམས་དང་ལྡན་པར་གྱུར་ཏེ། ལེགས་པར་བྱས་པའི་རྣམ་པར་སྨིན་པ་དང་། རྒྱུ་དང་མཐུན་པ་དེས་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་མཆོག་ཏུ་ཚེ་རིང་བར་འགྱུར་ལ།
95b3 ཡེ་ཤེས་ཀྱི་དབང་ཕྱུག་ཏུ་འགྱུར་ཞིང་། འཆི་བ་མེད་པར་འགྱུར་རོ།། དེ་ནས་བཅོམ་ལྡན་འདས་ལ།། བྱང་ཆུབ་སེམས་དཔའ་སེམས་དཔའ་ཆེན་པོ་འོད་སྲུངས་ཆེན་པོ་དང་རུས་གཅིག་པས
95b4 འདི་སྐད་ཅེས་གསོལ་ཏོ།། བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོས་ཅི་ལས་བསམས་ཏེ། སེམས་ཅན་ཐམས་ཅད་ལ་བུ་གཅིག་པའི་འདུ་ཤེས་བསྒོམ་པར་བགྱི།
95b5 བཀའ་སྩལ་པ། དེའི་དོན་ཇི་ལྟ་བུ་ལེགས། བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་ཐམས་ཅད་ལ་བུ་གཅིག་པའི་འདུ་ཤེས་བསྒོམ་པར་བགྱི་འཚལ
95b6 ན། ཚིག་དེ་ནི་མི་འདོད་པར་བགྱི་བ་ལགས་སོ།། ཅིའི་སླད་དུ་ཞེ་ན། བཅོམ་ལྡན་འདས་བསྟན་པ་འདི་ལ་སེམས་ཅན་ཁ་ཅིག་ཚུལ་ཁྲིམས་འཆལ་པ་དང་། མཚམས་མ་མཆིས་པར་བགྱིད་པ་དང་།
95b7 དམ་པའི་ཆོས་སུན་འབྱིན་པ་དག་ཀྱང་མཆིས་ན། ཅི་ལགས་སེམས་ཅན་དེ་ལྟ་བུ་དག་ལའང་བུ་གཅིག་པའི་འདུ་ཤེས་བསྒོམ་པར་བགྱི་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། འོད་སྲུང
iiif viewer powered by OpenSeadragon
