| e-texts navigator |
| Wylie |
87a1 ཅན་རྣམས་ཀྱི་སྐྱབས་ལྟ་བུར་འགྱུར་རོ།། དཔེར་ན་རྒྱལ་པོ་གྲོང་ཁྱེར་མང་པོའི་མངའ་བདག་གྲོང་ཁྱེར་གཅིག་ཏུ་སོང་སྟེ། ཁྱིམ་བདག་གཅིག་རྒྱལ་པོར་དབང་བསྐུར་བ་དེ་བཞིན།
87a2 དུའཇིག་རྟེན་གྱིས་ཁམས་འདིར་ངས་འོད་སྲུངས་ཆེན་པོ་ལ་དབང་བསྐུར་རོ།། དགེ་སློང་དག་ཁྱེད་ཀྱིས་སྡུག་བསྔལ་བ་དང་། མི་རྟག་པ་དང་། བདག་མེད་པ་དང་། མི་སྡུག་པའི་འདུ་ཤེས་ཇི་ལྟར་བསྒོམ།
87a3 ཞེ་ན། དགེ་སློང་དག་དཔེར་ན། སོས་ཀའི་དུས་ལ་བབ་པ་ན། སྐྱེ་བོ་རྣམས་ཀྱིས་ནགས་ཚལ་གྱི་ནང་དུ་ཆུ་བསྐྱིལ་ཏེ། རང་རང་གི་རྒྱལ་བའི་ཡོ་བྱད་ཐོགས་ནས། ཆུའི་ནང་དུ་རྩེ་བར་བྱེད་ལ། ཆུ།
87a4 དེའི་ནང་དུ་གཅིག་གིས་ནོར་བུ་ནུ་བཻ་ཌཱུཪྻ་རིགས་དང་ལྡན་པ་ཞིག་བཞག་ནས། བཻ་ཌཱུཪྻ་དེ་འདོད་པའི་ཕྱིར། དེ་དག་ཐམས་ཅད་ཀྱིས་རྐྱལ་པ་རྣམས་བོར་ཏེ། ཆུ་དེའི་ནང་དུ་འཛུལ་ནས། དེའི་ནང་ན་གྱོ་མོ
87a5 འམ་གསེག་མ་ཅི་ཡོད་པ་དག་ལ་ནོར་བུ་ཡིན་སྙམ་སྟེ། བླངས་ནས་ནོར་བུ་བདག་གིས་རྙེད་དོ།། བདག་གིས་རྙེད་དོ་ཞེས་ཟེར་ཞིང་། སོ་སོ་ནས་སྟེང་དུ་བྱུང་སྟེ། རྫིང་གི་འགྲམ་དུ་འཁོད་ནས།
87a6 འདི་ནི་ནོར་བུ་མ་ཡིན་ནོ་སྙམ་པའི་འདུ་ཤེས་སྐྱེས་པར་གྱུར་ལ། རྫིང་དེའི་ཆུ་ཡང་ནོར་བུའི་འོད་ཀྱིས་ཟླ་བའི་འོད་བཞིན་དུ་མཛེས་པར་འདུག་སྟེ། དེ་དག་གིས་མཛེས་པ་དེ་མཐོང་ནས།། ཨེ་མ་ནོར།།
87a7 བུ་སྙམ་དུ་ཡོན་ཏན་གྱི་འདུ་ཤེས་སྐྱེ་བར་འགྱུར་ཏེ། དེ་དག་གི་ནང་ནས་ཐབས་ལ་མཁས་ཤིང་ཡིད་རྣོ་བ་གཅིག་གིས་ནོར་བུ་དེ་ཡང་དག་པར་རྙེད་པ་དེ་བཞིན་དུ། དགེ་སློང་དག་ཁྱེད་ཀྱིས་ཐམས
iiif viewer powered by OpenSeadragon
