| e-texts navigator |
| Wylie |
86b1 འདི་ལ་ཕན་ཚུན་མི་མཐུན་པ་ཡོད་དོ།། ཡི་གེ་ཞེས་བྱ་བ་ནི་འཇིག་རྟེན་པ་ཞེས་བྱ་བའི་ཐ་ཚིག་གོ།། དོན་རྗེས་བྱ་བ་ནི་འཇིག་རྟེན་ལས་འདས་པའི་ཡེ་ཤེས་སོ།། དེ་ནས་བཅོམ་ལྡན་འདས
86b2 ལ། དགེ་སློང་རྣམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་འདུ་ཤེས་བཞི་ལ་སོགས་པ་ཕྱིན་ཅི་ལོག་དེ་བཞིན་གཤེགས་པས་ལུགས་སུ་བཞག་པ་རྣམས་ནི། བདག་ཅག་གིས་ཡུན་རིང་མོ
86b3 ནིགནས་མཐོང་ཡང་མཐོང་། བསྒོམ་ཡང་བསྒོམས་ལགས་ན། དཇི་ལྟར་འཚལ་བ་བཀའ་སྩལ་དུ་གསོལ། དེ་བཞིན་གཤེགས་པ་བསྐལ་པའམ། བསྐལ་པ་ལྔས་ལྷག་པར་ཡང་བདུགས་སུ
86b4 གསོལ། དེ་བཞིན་གཤེགས་པས་ཅི་དང་ཇི་སྐད་དུ་བཀའ་སྩལ་པ་དེ་དང་དེ་བཞིན་དུ་བདག་ཅག་གིས་བགྱི་བར་འཚལ་ལོ།། གལ་ཏེ་དེ་བཞིན་གཤེགས་པ་བཞུགས་སུ་མི་གནང་ན། བདག་ཅག་ཀྱང
86b5 སྦྲུལ་གདུག་པ་དང་ཁྱིམ་གཅིག་གི་ནང་དུ་ལྷན་ཅིག་ཏུ་མཆིས་པར་མི་འཚལ་ཏེ། དེ་བཞིན་གཤེགས་པ་མི་བཞུགས་ན། ཚུངས་པར་སྤྱོད་ཅིང་མཆིས་པའི་རྔོ་མི་ཐོག་གིས། ཁྱོད་ཉིད་ཀྱི་སླད་བཞིན་དུ
86b6 བདག་ཅག་ཀྱང་ཡོངས་སུ་མྱ་ངན་ལས་འདའ་བར་འཚལ་ལོ།། དེ་ནས་བཅོམ་ལྡན་འདས་ཀྱིས། དགེ་སློང་དེ་དག་ལ་འདི་སྐད་ཅེས་བཀའ་སྩལ་ཏོ།། དགེ་སློང་དག་ཁྱེད་དེ་སྐད་མ
86b7 ཟེར་ཅིག། དགེ་སློང་དག་ངས་འོད་སྲུངས་ཀྱི་ལག་ཏུ་བསྟན་པ་གཏད་བར་བྱ་སྟེ། འདི་ནི་དེ་བཞིན་གཤེགས་པ་དང་འདྲ་བར་དགེ་སློང་རྣམས་ཀྱི་རྟེན་ལྟ་བུར་འགྱུར་རོ།། དགེ་སློང་རྣམས་དང་སེམས
iiif viewer powered by OpenSeadragon
