| e-texts navigator |
| Wylie |
84a1 ན་ཉན་ཐོས་ཀྱི་ཚོགས་ཐམས་ཅད་མི་ཤེས་པ་རྣམ་པ་སྣ་ཚོགས་ཀྱི་འབྱུང་པོ་དང་། ཤ་ཟའི་གདོན་རྣམས་ལས་ཡོངས་སུ་ཐར་པར་འགྱུར་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ཁོང་།།
84a2 དུ་ཆུད་པར་བགྱིད་ལགས་སོ།། བཅོམ་ལྡན་འདས་དཔེར་གསོལ་ན། གླང་པོ་ཆེའི་འདུལ་སྦྱོང་གི་མཁན་པོས། སྤོས་ཀྱི་གླང་པོ་ཆེ་ཞགས་པ་ཆེན་པོས་བཅིངས་པ་ལས། གླང་པོ་ཆོས་ཞགས་པ་དེ།
84a3 བཅད་དེ་བྲོས་པ་དེ་བཞིན་དུ། བཅོམ་ལྡན་འདས་བདག་ཅག་ཀྱང་། བདག་ཏུ་འཛིན་པ་དང་། བདག་གིར་འཛིན་པ་དང་། ཕྲག་དོག་དང་། དང་ན་ཐེན་དང་། སེར་སྣ་དང་། གཡོའི་ཞགས་པ་ཆེན།
84a4 པོ་བཅད་ནས། གླང་པོ་ཆེའི་འདུལ་སྦྱོང་གི་མཁན་པོ་ཆེན་པོ་དེ་བཞིན་གཤེགས་པའི་ལག་ཏུ་འོངས་ནས། སེམས་ཅན་ཐམས་ཅད་ལས་དང་ཉོན་མོངས་པའི་གླང་པོ་ལྔ་བཅུ་རྩ་བདུན་ཡོངས་སུ་བསལ
84a5 བར་བགྱིའོ།། བཅོམ་ལྡན་འདས་གསོལ་ན། གྲང་བའི་རིམས་ཀྱིས་ཐེབས་པ་སྨན་པ་ཆེན་པོའི་ཐད་དུ་མཆིས་ན། སྡུག་བསྔལ་ལས་ཐར་པར་འགྱུར་བ་དེ་བཞིན་དུ། བཅོམ་ལྡན་འདས་བདག
84a6 ཅག་ཀྱང་ཉོན་མོངས་པ་དང་། ལོག་པར་ལྟ་བ་དང་། ལོག་པའི་འཚོ་བ་ཉེས་དམིགས་མཐའ་ཡས་པའི་གྲང་བའི་རིམས་ནད་ཅན་གྱིས་ལུས་དང་ལྡན་པ་ལས། སྨན་པ་ཆེན་པོ་བཅོམ་ལྡན་འདས
84a7 ཀྱི་ཐད་དུ་མཆིས་ནས། སྡུག་བསྔལ་ཐམས་ཅད་ལས་རྣམ་པར་ཐར་པར་གྱུར་ཏེ། མི་གཡོ་བའི་བདེ་བ་ཡང་ཐོབ་ལགས་སོ།། བཅོམ་ལྡན་འདས་གཞན་ཡང་དཔེར་གསོལ་ན། མི་ཞིག་གིས་འདྲ།
iiif viewer powered by OpenSeadragon
