| e-texts navigator |
| Wylie |
77a1 རྒྱུ་བ་ནུ། མི་ཤེས་པ་ལས་བཟླས་ཏེ། བཅོམ་ལྡན་འདས་ནི་འདུས་མ་བྱས་པའོ་སྙམ་པའི་ཤེས་པ་འབའ་ཞིག་རྟོགས་པ་གྱིས་ཤིག། དེ་ལྟར་བྱས་ཏང་བསྒོམ་པ་དེའི།།
77a2 འབྲས་བུས་ཁྱོད་མྱུར་བ་ཁོ་ནར་དེ་བཞིན་གཤེགས་པ་བཞིན་དུ། མཚན་སུམ་ཅུ་རྩ་གཉིས་དང་ལྡན་པར་འགྱུར་རོ།། དེ་ནས་འཇམ་དཔལ་གཞོན་ནུར་གྱུར་པས། མགར་བའི་བུ
77a3 སྐུལ་བྱེད་ལ་འདི་སྐད་ཅེས་སྨྲས་སོ།། ལེགས་སོ་ལེགས་སོ།། ཚེ་རིང་བར་གྱུར་ཅིག། རིགས་ཀྱི་བུས་ནི་དེ་ལྟར་བྱ་བ་ཡིན་ནོ།། རིགས་ཀྱི་བུ་ཁྱོད་ཀྱིས་དེ་བཞིན་གཤེགས་པ་རྟག་པ་དང་།
77a4 ཐེར་ཟུག་དང་། འདུས་མ་བྱས་པ་དང་། བརྟན་པར་ཤེས་སོ།། ད་ལྟར་ཁྱོད་ཀྱིས་འདི་ཁོ་ན་ལྟར། འདུས་བྱས་ཁོང་རླག་ཏུ་གཏང་བའི་སྒོ་ནས་ཤེས་པ་ལས་ན། ཁྱོད་ཀྱང་རིང་པོ་མི་ཐོགས་པར་དེ
77a5 བཞིན་གཤེགས་པ་ཇི་ལྟ་བ་བཞིན་དུ་འགྱུར་རོ།། སངས་རྒྱས་ཉིད་ཀྱིས་ཀྱང་དེ་ལྟར་འུ་བུ་ཅག་གཉིས་ཀྱིས་ཁྱོད་དུ་འཕགས་པའི་བསྔགས་པ་བརྗོད་དོ་ཞེས་ཕྱིས་བསྔགས་པར་འགྱུར་རོ།། སྐུལ
77a6 བྱེད་དེ་བཞིན་གཤེགས་པའི་བཤོས་སྒྱུར་ཅིག། སྦྱིན་པ་ཐམས་ཅད་ཀྱི་ནང་ན་ནི་སྦྱར་ཏེ། སྦྱིན་པ་མཆོག་ཡིན་ནོ།། དེ་ལ་སྦྱར་ཏེ་སྦྱིན་ཞེས་བྱ་བ་ནི། སྦྱིན་པའི་ཕ་རོལ་ཏུ་ཕྱིན་པ་ཐམས་ཅད་ཀྱིས
77a7 བོན་ལས་མྱུ་གུ་འབྱུང་བར་བྱ་བའི་ཕྱིར། གང་གི་ཚེ་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མོ་ཡང་རུང་སྟེ། དོན་འགའ་ཞིག་གི་ཕྱིར་ལམ་དུ་ཞུགས་ནས། དུབ
iiif viewer powered by OpenSeadragon
