| e-texts navigator |
| Wylie |
65a1 འགྱུར་བས་ན་བཞེས་པར་བྱའོ།། ཟང་ཟིང་གི་སྦྱིན་པ་ནི་དེ་ལྟ་མ་ཡིན་གྱིས། སྡིག་ཅན་ཁྱོད་གསོལ་བ་མ་འདེབས་ཤིག་ཅེས་བཀའ་སྩལ་ནས། བཅོམ་ལྡན་འདས་ཅ
65a2 མི་གསུང་བར་གྱུར་ཏོ།། ལན་གཉིས་ལན་གསུམ་གྱི་བར་དུ་ཡང་། བདུད་དང་བདུད་ཀྱི་བུ་མོ་རྣམས་ཀྱིས་བཅོམ་ལྡན་འདས་ལ་གསོལ་བ་བཏབ་པ་ལས། མ་བཞེས་ཏེ། རེ་ཐག་ཆད་ནས་ཕྱོགས
65a3 གཅིག་ཏུ་འཁོད་དོ།། དེ་ནས་དེའི་ཚེ་ལྷའི་བུ་དབང་ཕྱུག་ཆེན་པོ་ལྷའི་བུ་དཔག་ཏུ་མེད་པ། མཐུ་དཔག་ཏུ་མེད་པ་དག་གིས་མདུན་དུ་བདར་ཏེ། རང་གི་འོད་ཀྱིས་ཚངས་པ་དང་། ལྷའི་དབང་པོ།
65a4 དང་། ལྷ་མ་ཡིན་དང་། བདུད་ཀྱི་འོད་རྣམས་སྣག་ཚའི་གོང་བུ་བཞིན་དུ་འོད་མི་གསལ་བར་བྱས་ཏེ། བཅོམ་ལྡན་འདས་ཀྱིས་མཆོད་པ་རྒྱ་ཆེན་པོ་ཉིས་འགྱུར་ཉིས་འགྱུར་བས་ལྷག་པ་དག་ཁྱེར་ནས
65a5 དེར་སོང་སྟེ་དེའི་མཆོད་པ་རྣམས་ཀྱི་ནང་ན། གདུགས་བལ་པ་གང་ཡིན་པ་དེ་ཡང་ཆུ་ཞེང་དུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཁྱབ་པར་འདུག་སྟེ། མཆོད་པ་དེ་ལྟ་བུ་སྔོན་དུ་བཏུང
65a6 ནས། བཅོམ་ལྡན་འདས་ཀྱི་ཐད་དུ་ཕྱིན་ཏེ། ལན་དུ་མ་བསྐོར་བ་བྱས་ནས། ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ
65a7 ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ལ་བདག་མཆོད་པ་བགྱིད་པ་ནི། སྦྲང་བུ་མཆོད་པ་བགྱིད་པ་དང་འདྲ་སྟེ། བདག་སྦྲང་བུ་དང་འདྲ་བས།། བཅོམ་ལྡན་འདས་ལ
iiif viewer powered by OpenSeadragon
