| e-texts navigator |
| Wylie |
62a1 གཞན་ཡང་དེའི་ཚེ་རྒྱལ་ཆེན་བཞིའི་རིས་ཀྱི་ལྷ་རྣམས་རང་རང་གི་འཁོར་ལ་ལ་འདི་སྐད་ཅེས་འཛེར་ཏེ། གྲོགས་པོ་དག་ལྟོས། གྲོགས་པོ་དག་ལྟོས། ལྷ་དང་། ལྷམ་ཡིན་དང
62a2 མི་རྣམས་ཀྱིས་དེ་བཞིན་གཤེགས་པའི་མཆོད་པའི་ལས་ཁྱད་དུ་འཕགས་ལ། དེ་བཞིན་གཤེགས་པ་ལ་ཞལ་ཟས་ཀྱི་ཐ་མ་འབུལ་བ་ལ་བརྩོན་གྱིས། གྲོགས་པོ་དག་བདག་ཅག་ཀྱང་དེ་བཞིན་གཤེགས
62a3 པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་སོ་སོ་ནས་མཆོད་པར་བྱའོ།། ཞལ་ཟས་ཀྱི་ཐ་མ་ཡང་དབུལ་བར་བྱའོ།། གལ་ཏེ་བདག་ཅག་གིས་ཕུལ་བའི་ཞལ་ཟས་ཀྱི་ཐ་མ་བཅོམ་ལྡན་འདས།
62a4 ཀྱིས་བཞེས་པར་གྱུར་ན། དེ་ལས་བདག་ཅག་གིས་སྦྱིན་པའི་ཕ་རོལ་ཏུ་ཕྱིན་པ་ཆེན་པོ་ཐོབ་པར་འགྱུར་རོ།། ཞེས་དེ་དག་གིས་དེ་སྐད་ཅེས་སྨྲས་ནས། གཡོག་འཁོར་མང་པོ་གྲངས་མེད་པ་དང་བཅས་པས་མཆོད།
62a5 པ་སྔ་མའི་ཉིས་འགྱུར་གྱི་མཆོད་པ་དང་། ཞལ་ཟས་མང་པོ་དག་ཁྱེར་རོ།། མེ་ཏོག་མང་པོ་དག་ཀྱང་ཁྱེར་ཏེ། འདི་ལྟ་སྟེ། མནྡ་ར་བ་རྣམས་དང་། མནྡ་ར་བ་ཆེན་པོ་རྣམས་དང་། ཀེ་ཀེ་རུ་ཀ་རྣམས་དང་། ཀེ་ཀེ།
62a6 རུཀ་ཆེན་པོ་རྣམས་དང་། མཉྫུ་ཤ་ཀ་རྣམས་དང་། མཉྫུ་ཤ་ཀ་ཆེན་པོ་རྣམས་དང་། སན་ཏནག་རྣམས་དང་། སན་ཏནག་ཆེན་པོ་རྣམས་དང་། འོད་ཅན་རྣམས་དང་། འོད་ཅན་ཆེན་པོ་རྣམས་དང་། ཀུན་ཏུ
62a7 འོད་ཅན་རྣམས་དང་། འོད་མཐ་ཡས་པ་རྣམས་དང་ནི་མཛེས་སྡུག་རྣམས་དང་། མཛེས་སྡུག་ཆེན་པོ་རྣམས་དང་། དགའ་བྱེད་རྣམས་དང་། དྲི་མཆོག་རྣམས་དང་། དྲི་མཆོག་ཆེན་རྣམས་དང་། ས
iiif viewer powered by OpenSeadragon
