| e-texts navigator |
| Wylie |
59a1 ལྷ་མ་ཡིན་གྱི་བདག་པོ་གངྒཱའི་ཀླུང་དྲུག་ཅུའི་བྱེ་མ་སྙེད་ལུས་ཆེ་ཞིང་སྣང་བ་ཆེན་པོ་དང་ལྡན་པ། ལྷ་མ་ཡིན་གྱི་བསམ་པ་མེད་པ་ཤ་སྟག་གིས་མཆོད་པ་སྔ་མའི་ཉིས་འགྱུར་ཉིས་འགྱུར་གྱི
59a2 མཆོད་པ་དག་ཁྱེར་ཏེ་འོང་ནས། བཅོམ་ལྡན་འདས་ལ་ཕྱག་འཚལ་ནས་ཞལ་ཟས་མ་བཞེས་ཏེ། ཡིད་མི་དགའ་བར་གྱུར་ནས་ལངས་ཏེ། ཤིང་སཱ་ལ་ཟུང་གི་དྲུང་དུ་རང་རང་གི་གཟི་བྱིན་གྱིས་སྣང་བར་བྱས་ཏེ
59a3 འཁོད་དོ།། གཞན་ཡང་དེའི་ཚེ་སྦྱིན་བྱེད་མའི་བུའི་བདག་པོ་གངྒཱའི་ཆུ་དྲི་མ་མེད་པ་རྗེས་བྱིན་ལ་སོགས་པ་སྦྱིན་བྱེད་མའི་བུ་གངྒཱའི་ཀླུང་བདུན་ཅུའི་བྱེ་མ་སྙེད་ལུས་ཆི་ཞིང་སྣང་བ་ཆེན་པོ་དང་ལྡན་པ་སྦྱིན་བྱེད་མའི
59a4 བུའི་བསམ་པ་མེད་པ་ཤ་སྟག་གིས་མཆོད་པ་སྔ་མ་ཐམས་ཅད་ལས་མཆོད་པ་ཉིས་འགྱུར་ཉིས་འགྱུར་བས་བཟང་བ་དག་ཁྱེར་བ་ལས། སྔ་མ་བཞིན་དུ་ཞལ་ཟས་མ་བཞེས་ནས། ཡིད་མི་དགའ་བར་གྱུར་ཏེ།
59a5 ཤིང་སཱ་ལ་ཟུང་གི་དྲུང་དུ་རང་རང་གི་གཟི་བརྗིད་ཀྱིས་སྣང་བར་བྱས་ནས། ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་སྲིན་པོའི་བདག་པོ་འཇིགས་བྱེད་ལ་སོགས་པ་སྲིན་པོའི་བདག་པོ
59a6 གངྒཱའི་ཀླུང་བརྒྱད་ཅུའི་བྱེ་མ་སྙེད་སྲིན་པོའི་བསམ་པ་མེད་པ་ཤ་སྟག་གིས། གཟི་བརྗིད་ཆེན་པོའི་ཚོགས་ཀྱིས་སཱ་ལ་ཟུང་གི་དྲུང་སྣང་བར་བྱས་ནས། བཅོམ་ལྡན་འདས་ལ་ཕྱག་འཚལ་ཏེ། ཕྱོགས་གཅིག
59a7 ཏུ་འཁོད་དོ།། གཞན་ཡང་དེའི་ཚེ་འབྲས་བུའི་ཤིང་གི་བདག་པོ་དྲི་སིལ་ལ་སོགས་པ་འབྲས་བུའི་ཤིང་གི་བདག་པོ་གངྒཱའི་ཀླུང་དགུ་བཅུའི་བྱེ་མ་སྙེད་ཀྱིས་སྔ་མའི་མཆོད་པ་ཐམས་ཅད་པས་ཉིས་འགྱུར་ཉིས
iiif viewer powered by OpenSeadragon
