| e-texts navigator |
| Wylie |
49a1 དགེ་བསྙེན་རབ་སྦྱིན་ལ་སོགས་པ། དགེ་བསྙེན་ཐེག་པ་ཆེན་པོ་ཐོས་པར་འདོད་ལ། ཐོས་ནས་ཀྱང་གཞན་དག་ལ་བསྟན་པར་བྱའོ་སྙམ་དུ་དམ་བཅས་ཤིང་། ཚུལ་ཁྲིམས་བླང་།
49a2 པ། ཐེག་པ་ཆེན་པོས་སྐོམ་ལ་ངོམས་ནས་ཀྱང་། གཞན་སྐོམ་པ་དག་ངོམས་པར་བྱའོ་སྙམ་དུང་མ་བཅས་པ། ཐེག་པ་ཆེན་པོ་ལ་སྲེད་པ།། ཐེག་པ་ཆེན་པོ་ལ་སེར་སྣ་མེད་པ། འཇིག་རྟེན་ཐམས་ཅད་དང
49a3 མཐུན་པར་བྱེད་ནུས་པ་ཤ་སྟག་དང་། བདག་ཅག་བརྒལ་ནས་གཞན་བསྒྲལ་བར་བྱའོ།། བདག་ཅག་གྲོལ་ནས་གཞན་དགྲོལ་བར་བྱའོ།། དཀོན་མཆོག་གསུམ་གྱི་གདུང་མི་འཆད་པར་བྱའོ།།
49a4 ཆོས་ཀྱི་འཁོར་ལོ་བསྐོར་བར་བྱའོ་སྙམ་དུ་སློབ་པར་འདོད་པ། གོ་ཆ་ཆེན་པོ་བགོས་པ། བསླབ་པ་རྣམས་ལ་སེམས་གུས་པ་དང་། དེ་བཞིན་དུ་ཡོན་ཏན་གྲངས་མེད་པ་དང་ལྡན་པ། བུ་གཅིག་པ་ལ་བྱ་བ
49a5 བཞིན་དུ། སེམས་ཅན་ཐམས་ཅད་ལ་སྙིང་རྗེ་དང་ལྡན་པ་ཤྲ་སྟག་སྟེ། དེ་དག་ཀྱང་ཉི་མ་འཆར་ཀར་དེ་བཞིན་གཤེགས་པའི་གདུང་ཞུགས་ལ་ཞེན་པའི་ཕྱིར། རེ་རེས་ཀྱང་ཙན་དན་དང་། ཨ་ཀ་རུ་དང་།
49a6 ཐང་ཤིང་གི་མཆོག་དང་། ཙན་དན་ས་མཆོག་པའི་བུད་ཤིང་རྣམས་དང་། ཡམ་སྲེག་ཤིང་དྲི་བསུང་དང་ལྡན་པ། ཡོན་ཏན་ལྔ་སྟོང་ལྔ་སྟོང་ཁྱེར་ཏེ་འོངས་སོ།། དེ་ལ་ཡམ་སྲེག་ཤིང་སཱ་རེ་ཞིང་ཡང
49a7 གསེར་གྱི་སྐུད་པ་རིན་པོ་ཆེ་སྣ་བདུན་རིགས་བདུན་དང་ལྡན་པས་སྤྲས་པ་དཀྲིས་པས་ཀ་རི་མོ་ལ་བྲིས་པ་ཁོ་ན་བཞིན་དུ་འདུག་པ། རང་བཞིན་གྱིས་གཞོན་ཤ་ཅན་ལེགས་པར་བཅོས་པ་ཤ་སྟག་སྟེ།
iiif viewer powered by OpenSeadragon
