| e-texts navigator |
| Wylie |
48b1 བྱ་བའི་དབང་གི་དོན་དུ་ཐེག་པ་ཆེན་པོའི་མཆོག་ཏུ་གསང་བ། སྟོང་པ་ཉིད་ཀྱི་རྣམ་པ་དགོངས་པའི་ཚིག་རྣམ་པ་སྣ་ཚོགས་ཀྱི་སྒོའི་ཚུལ་བཤད་པར་བྱ་བའི་ཕྱིར། བཅོམ་ལྡན་འདས་གལ་བ་དེར་དོང་སྟེ་ལྤགས།
48b2 ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་འབུམ་བསྐོར་བ་བྱས་ནས། བཅོམ་ལྡན་འདས་གལ་བ་དེ་ལོགས་སུ་ཐལ་མོ་སྦྱར་བབཏུ་དང་ཕྱོགས་གཅིག
48b3 ཏུ་འཁོད་དོ།། ཡང་དེའི་ཚེ་བསླབ་པའི་གཞི་ལྔ་བླངས་ཤིང་། ཚུལ་ཁྲིམས་དང་། ཆོ་ག་དང་། ཡོན་ཏན་དང་ལྡན་པའི་དགེ་བསྙེན་འོད་དྲི་མ་མེད་པར་གྲངས་པའི་རྒྱལ་པོ་ལ་སོགས་པ། དགེ་བསྙེན
48b4 གངྒཱའི་ཀླུང་གཉིས་ཀྱི་བྱེ་མ་སྙེད་ཐམས་ཅད་ཀྱང་ཟུང་དང་ཟུང་དུ་ཤེས་པར་འདོད་པ་ཤ་སྟག་སྟེ། སྡུག་བསྔལ་བ་དང་། བདེ་བ་དང་། རྟག་པ་དང་། མི་རྟག་པ་དང་། བདག་ཡོད་པ་དང་། བདག
48b5 མེད་པ་དང་། སྟོང་པ་དང་། སྟོང་པ་མ་ཡིན་པ་དང་། དེ་ཁོ་ན་དང་། དེ་ཁོ་ན་མ་ཡིན་པ་དང་། སྐྱབས་དང་། སྐྱབས་མ་ཡིན་པ་དང་། སེམས་ཅན་དང་། སེམས་ཅན་མེད་པ་དང་། བརྟན་པ་དང་།
48b6 བརྟན་པ་མ་ཡིན་པ་དང་། ཞི་བ་དང་། ཞི་བ་མ་ཡིན་པ་དང་། འདུས་བྱས་དང་། འདུས་མ་བྱས་དང་། ཐེར་ཟུག་དང་། ཐེར་ཟུག་མ་ཡིན་པ་དང་། ཡོངས་སུ་མྱ་ངན་ལས་འདས་པ་དང་། ཡོངས་སུ་མྱ
48b7 ངན་ལས་འདས་པ་མ་ཡིན་པ་ལ་སོགས་པའི་ཁྱད་པར་དང་། ཁྱད་པར་དུ་འཕགས་པ་ཤེས་པར་འདོད་པ་ཤ་སྟག་སྟེ། འདི་ལྟ་སྟེ། དགེ་བསྙེན་འོད་དྲི་མ་མེད་པར་གྲགས་པའི་རྒྱལ་པོ་ཞེས་བྱ་བ་དང་།།
iiif viewer powered by OpenSeadragon
