| e-texts navigator |
| Wylie |
45b1 ཤུ་ལོ་ཀྲ་བརྞྞ། @། རྒྱ་གར་སྐད་དུ། ཨཱརྱ་མ་ཧཱ་པ་རི་ནིརྦཱ་ཎ་མ་ཧཱ་ཡཱན་སཱུ་ཏྲ། བོད་སྐད་དུ། འཕགས་པ་ཡོངས་སུ་མྱ་ངན་ལས་འདས་པ་ཆེན
45b2 ཐེག་པ་ཆེན་པོའི་མདོ།། ། བམ་པོ་དྲང་པོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ
45b3 དུས་གཅིག་ན། བཅོམ་ལྡན་འདས་གྲོང་ཁྱེར་ཀུ་ཤི་ན། ཆུ་ཀླུང་གསེར་ལྡན་གྱི་འགྲམ་གྱད་ཀྱི་ཉེ་འཁོར་ཤིང་སཱ་ལ་ཟུང་གི་ཚལ་ན་བཞུགས་ཏེ། དེ་ན་བཅོམ་ལྡན་འདས་དགེ་སློང་བྱེ་བ་འབུམ་ཕྲག་བརྒྱད་ཅུས
45b4 བསྐོར་ཅིང་མདུན་གྱིས་བལྟས་ཏེ། དཔྱིད་ཟླ་ཐ་ཆུང་ཉའི་ནང་པར་ཡོངས་སུ་མྱ་ངན་ལས་འདས་པའི་དུས་དང་ཉེ་བར་གྱུར་པ་ན། སེམས་ཅན་ཐམས་ཅད་ཀྱི་རང་རང་གི་ཡུལ་གྱི་སྐད་དུ། ཤིན་ཏུ་ཟུར་ཕྱིན་པར་དོན་བརྡ
45b5 སྤྱོད་པའི་ཚིག་རྣམས་ཀྱིས་སྲིད་པའི་རྩེ་མོ་མན་ཆད་གོ་བར་མཛད་དེ། དེང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་ཐམས་ཅད་ལ་ཐུགས་བརྩེ་བ་ཅན། འཇིག
45b6 རྟེན་ཐམས་ཅད་སྐྱོབ་པ། སེམས་ཅན་ཐམས་ཅད་ལ་སྒྲ་གཅན་ཟིན་དང་འདྲ་བར་གཟིགས་པ། སྐྱབས་ཆེན་པོའི་གནས་དང་གཞི་པོར་གྱུར་པ། ཐུབ་པ་ཆེན་པོ་ཡོངས་སུ་མྱ་ངན་ལས་འདའ་བར་འགྱུར།
45b7 ཞེས་བཀའ་སྩལ་ཏོ།། སེམས་ཅན་ཐམས་ཅད་ཀྱི་ཞུ་བ་ལུང་བསྟན་པ་ཐ་མ་ལ་དེ་ལྟ་བུའི་གསུང་རྣམས་བྱུང་བར་གྱུར་ཏོ།། གཞན་ཡང་དེའི་ཚེ་བཅོམ་ལྡན་འདས་ཉིད་ཀྱི་ཞལ་ནས་འོད་ཟེར་སྣ་ཚོགས
iiif viewer powered by OpenSeadragon
