| e-texts navigator |
| Wylie |
260b1 དགའ་བོས་དེ་སྐད་ཅེས་སྨྲས་པའི་ཚིག་དེ་དག་ཐོས་ནས། ངོ་ཚ་ཞིང་སྐྱེངས་ཏེ་བསོད་སྙོམས་བླངས་ཏེ་ཕྱིར་སངས་རྒྱས་གང་ན་བར་འོངས་ནས། ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག།
260b2 ཏུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་སངས་རྒྱས་ཀྱིས་བསྟན་པའི་ཆོས་ལ་ཕ་མ་ལ་སྲི་ནུབགྱི་བ་ལྟ་མ་མཆིས་སམ། སངས་རྒྱས་ཀྱིས།
260b3 ཀུན་དགའ་བོ་ལ་བཀའ་སྩལ་པ། འདི་སྐད་དུ་ནུ་བ་འདི་ཁྱོད་ལ་སུ་ཞིག་གིས་བསྟན་ལྷ་འམ། མི་འམ། མི་མ་ཡིན་པས་བསྟན་ཏམ། འོན་ཏེ་ཁྱོད་ཉིད་ཀྱི་ཤེས་པའི་བློས་དེ་བཞིན་གཤེགས
260b4 པ་ལ་ཞུ་བར་གྱུར་ཅེས་བཀའ་སྩལ་པ་དང་། ཀུན་དགའ་བོས་གསོལ་བ། བདག་ལ་ལྷ་འམ། ཀླུ་འམ། ཡི་དགས་སམ། མི་འམ། མི་མ་ལགས་པ་གང་གིས་ཀྱང་བསྟན་པ་མ་མཆིས་ཏེ
260b5 སྔ་དྲོ་བསོད་སྙོམས་སློང་དུ་མཆིས་པའི་ཤུལ་དུ། སྟོན་པ་དྲུག་གི་འཁོར་ཀུན་ཏུ་རྒྱུ་གཅེར་བུ་པ་ཞིག་དང་མཇལ་བ་དང་། བདག་ལ་ཚིག་རྩུབ་མོ་དག་མཆིའོ་ཞེས་རྒྱས་པར་གསོལ་ཏོ།། དེའི་ཚེ་བཅོམ
260b6 ལྡན་འདས་འཛུམ་པ་མཛད་ནས་ཞལ་གྱི་སྒོ་ནས་ཁ་དོག་རྣམ་པ་དུ་མ་དང་ལྡན་པའི་འོད་བྱུང་བས། ཤྭར་ཕྱོགས་ལོགས་སུ་སངས་རྒྱས་ཀྱི་ཞིང་ཚད་མེད་པ་བྱེ་བ་བརྒྱ་སྟོང་འདས་པའི་ཕ་རོལ་ན།། འཇིག
260b7 རྟེན་གྱི་ཁམས་བླ་མ་མཆོག་ཅེས་བྱ་བ་སྣང་བར་བྱས་སོ།། འཇིག་རྟེན་གྱི་ཁམས་དེ་ན་སངས་རྒྱས་དགའ་བའི་རྒྱལ་པོ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ
iiif viewer powered by OpenSeadragon
