| e-texts navigator |
| Wylie |
260a1 དུ་གྱུར་པ། ཀུན་གྱིས་བཀུར་བ་གཅིག་ལྟ་བ་ངན་པ་ལ་ཞེན་ནས། ཁེ་དང་གྲགས་པའི་ཕྱིར་དམ་པའི་ཆོས་འཇིག་པར་བྱེད་དོ།། སངས་རྒྱས་དང་།། ཆོས
260a2 དང་དགེ་འདུན་ལ་ཕྲག་དོག་བྱེད་དོ།། སྨོད་པའི་ཕྱིར་ཀུན་དགའ་བོ་ལ་འདི་སྐད་ཅེས་སྨྲས་སོ།། ཁྱོད་ཀྱི་སྟོན་པ་གོའུ་ཏ་མ་ཤེ་ཀ་རིགས་ཀྱི་བུ་ང་ནི་དགེ་བ་ཡིན་ཏེ། ཡོན་ཏན་ཆེན་པོ་དང་།
260a3 ལྡན་ནོ་ཞེས་སྨྲ་བའང་མིང་ཙམ་དུ་ཟད་དེ། བདེན་པའི་དངོས་པོ་མེད་དོ།། ཁྱོད་ཀྱི་སྟོན་པ་གོའུ་ཏ་མ་ནི་ཡང་དག་པར་ན་སྡིག་པ་ཅན་ཡིན་ཏེ། བཙས་ནས་ཞག་བདུན་ལོན་ན་མའང་ཤི་བས་སྡིག
260a4 ཅན་ཡིན་པར་མངོན་ནོ།། རྒྱལ་པོའི་ཕོ་བྲང་ན་འདུག་པ་ལས། ཕོ་བྲང་ནང་ནས་བྲོས་པའི་ཡབ་རྒྱལ་པོའང་མྱ་ངན་གྱིས་ནོན་ཏོ།། སེམས་འཁྲུགས་ནས་བརྒྱལ་བ་ལས་ཆུས་གཏོར་ཏེ་ཞག
260a5 བདུན་ལོན་པ་དང་དྲན་པ་ཕྱིར་རྙེད་དེ། ཆོ་ངེས་བཏབ་ནས། ངའི་ལྷ་བུ་གཅིག་དེང་དུ་སྟོར་རོ་ཞེས་སྙིང་རྗེ་རྗེ་སྐད་དུ་ངུས་ནས་ངའི་ཡུལ་དང་སྲིད་ཀྱང་ཁྱོད་འབའ་ཞིག་དབང་བར་ཟད་ན། ཅིའི
260a6 ཕྱིར་ངང་སྤངས་ཏེ་རི་དགོན་པར་ཆས་ཞེས་སྨྲེ་སྔགས་འདོན་དུ་བཅུག་པས། ཁྱོད་ཀྱི་སྟོན་པ་གོའུ་ཏ་མ་དྲིན་མི་ཤེས། ཅི་ལའང་མ་བལྟས་པར་ལངས་ཏེ་སོང་བས་ན། སྲི་ཞུ་མེད་པར་ཡང
260a7 མངོན་ནོ།། ཡབ་རྒྱལ་པོས་པོ་བྲང་བརྩིགས་ནས་ཆུང་མ་བླངས་པ་ལས་ཀྱང་ཆུང་མའི་ལས་མ་བྱས་ཏེ། མྱ་ངན་གྱིས་གདུངས་པར་བྱས་པས་ན། ཁྲེལ་མེད་པའང་ཡིན་པར་མངོན་ནོ།། ཀུན
iiif viewer powered by OpenSeadragon
