| e-texts navigator |
| Wylie |
256a1 མཛད་དོ།། དེ་བཞིན་གཤེགས་པ་ལོ་དྲུག་གི་བར་དུ་དཀའ་བ་སྤྱད་པས་ཉམ་ཆུང་བར་གྱུར་ཏོ་ཞེས་སངས་རྒྱས་ལ་སེམས་ཅན་ཐམས་ཅད་དང་འདྲ་བར་བལྟ་བར་མི་བྱའོ།།
256a2 འདོད་པའི་ཆུ་བོ་ལས་བརྒལ་བ་དེ་དག་ནི་བརྟན་པོ་ཡིན་ཏེ། དཔའ་བོ་དེ་དག་ནི་མིའི་ཡུལ་ལ་སྤྱོད་པ་མ་ཡིན་ནོ།། དེ་བཞིན་དུ་ངའི་ཉན་ཐོས་རྣམས་ཀྱི་སྟོབས་དང་སྤྱོད་ཡུལ་ཡང་བསམ་གྱིས་མ
256a3 ཁྱབ་བོ།། སེམས་ཅན་ཐམས་ཅད་ཟས་ལ་རྟེན་ཅེས་བྱ་བའང་ལྷག་མ་ཡོད་པའི་དོན་ཡོད་པར་ཤེས་པར་བྱའོ།། སེར་སྣ་མེད་པ་ཐམས་ཅད་གཡོ་བ་ཡིན་ཞེས་བྱ་བ་འདིའང་ལྷག་མ་ཡོད་པའི་དོན
256a4 ཡིན་ཏེ། བདག་ལ་སེར་སྣ་བྱེད་པ་མི་གཡོ་བའི་བདེ་བར་འགྲོ་བ་དམ་པ་འགའ་ཡང་ཡོད་དོ།། ཐམས་ཅད་ཟས་ཀྱི་ཉེས་པས་ནང་དུ་འགྱུར་ཞེས་བྱ་བ་དེའང་ལྷག་མ་ཡོད་པའི་དོན་ཡིན་ཏེ། ཆེར
256a5 མས་ཟུག་པ་ལ་སོགས་པའི་ནད་གློ་བུར་དག་ཀྱང་ཡོད་དོ།། ཆོས་སྤྱོད་པ་རྣམས་དང་འགྲོགས་པ་ཐམས་ཅད་བདེ་བ་ཞེས་བྱ་བ་དེའང་ལྷག་མ་ཡོད་པའི་དོན་ཏེ། འཇིག་རྟེན་པ་རྣམས་ལའང་ཆོས
256a6 འཛིན་པ་རྣམས་དང་འཚམ་པའི་ཆོས་རྣམ་པ་མང་དག་ཡོད་དེ། དེ་དག་ལའང་བྱ་བ་སྣ་ཚོགས་ཡོད་མོད་ཀྱི། སྨྱུང་བ་རྣམ་པ་སྣ་ཚོགས་ཅན་ལུས་ཉོན་མོངས་པ་དེ་དག་དྲང་གལ་ཏེ་ལ་ལ་ཞིག
256a7 འགྲོགས་པར་གྱུར་ན་ཅི་བདེ་བ་ལ་སྟེན་པར་འགྱུར་རམ། དེ་ལྟར་ན་ནི་དོན་དང་འགལ་བར་འགྱུར་རོ།། དེ་བས་ན་སངས་རྒྱས་ནི་རྒྱུ་མེད་པར་དོན་དང་འགལ་བར་སྟོན་པར་མི་མཛད་དེ། གདུལ
iiif viewer powered by OpenSeadragon
