| e-texts navigator |
| Wylie |
254a1 གྱི་དབང་གྱུར་ཐམས་ཅད་སྡུག། རང་དབང་ཅན་ནི་ཐམས་ཅད་བདེ།། ང་རྒྱལ་དབང་གྱུར་ཀུན་མི་བཟད་།། དགའ་བ་ཐམས་ཅད་བཟང་བ་ཡིན།། དེ་ནས
254a2 བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱིས་ཆོས་ཀྱི་སྒོ་དེ་སྐད་དུ་བཀའ་སྩལ་པ་ནི་ལེགས་པར་བཀའ་སྩལ་པ་མ་ལགས་ཏེ
254a3 འདི་ན་ཁྱིམ་བདག་ལ་ལ་ཞིག་བདག་གི་བུ་བྱིས་པའི་སློབ་དཔོན་ལ་གཏད་ན་ཅི་ལགས་ཁྱེའུ་དེ་གཞན་གྱི་དབང་དུ་གྱུར་པ་ཞེས་མི་བགྱི་ལགས་སམ། དེ་ལ་གཞན་གྱི་དབང་དུ་གྱུར་པ་མ་ལགས་སོ་ཞེས
254a4 བགྱིས་ནའང་དོན་དང་འགལ་བར་འགྱུར་ལ། དེའང་རང་དབང་ཅན་ལགས་སོ་ཞེས་བགྱིས་ནའང་དོན་དང་འགལ་བར་འགྱུར་ཏེ། ཆོས་འདི་ནི་ཤིན་ཏུ་བརྟག་དཀའ་བ་ལགས་སོ།། འདི་ན་རྒྱལ
254a5 པོའི་བུ་ལ་ལ་བཅོས་སུ་མི་རུང་བར་འགྱུར་ཏེ། དེ་ཅིའང་སློབ་མི་འཚལ་ནས་རང་དགའ་དང་རང་ཉམ་དུ་འཁྱམ་པ་དེ་ལ་རང་དབང་ཅན་མ་ལགས་ཞེས་བགྱིས་ན་ནི་དོན་དང་ཚབས་ཆེར་འགལ་བར་འགྱུར་ལ།། གཞན
254a6 གྱི་དབང་དུ་གྱུར་ཏོ་ཞེས་བགྱིས་ན་ནི་དོན་དང་འགལ་བར་འགྱུར་ཏེ། ཆོས་འདི་ནི་ཤིན་ཏུ་བརྟག་དཀའ་བ་ལགས་སོ།། གཞན་གྱི་དབང་གྱུར་ཅེས་བགྱི་བའི་ཚིག་བླ་དགས་ནི། དེ་རང་དབང
254a7 དུ་གྱུར་ན་སྡིག་པ་བགྱིད་པ་དང་འགུམ་པར་འགྱུར་བས་ན། བཀའ་སྩལ་པ་འདི་ནི་ལྷག་མ་ཡོད་པའི་དོན་ལགས་ཏེ། དེ་བས་ན་གཞན་གྱི་དབང་དུ་གྱུར་པ་ཐམས་ཅད་སྡུག་པའང་མ་ལགས
iiif viewer powered by OpenSeadragon
