| e-texts navigator |
| Wylie |
246b1 དཔའ་སེམས་དཔའ་ཆེན་པོ་ལུས་ཆེན་པོ་ལུས་ཆེན་པོ་དག་ཏུ་སྣང་ལགས་སོ།། དེ་བཞིན་གཤེགས་པས་དུག་སྨན་གྱི་སྡོང་པོ་ལྟ་བུའི་སྐུ་གཅིག་པུར་གྱུར་ཏེ་བྱང་ཆུབ་སེམས་དཔའ་རྣམས་ཀྱིས
246b2 བསྐོར་བར་གདའ་ལགས་སོ།། བཀའ་སྩལ་པ། སངས་རྒྱས་སྔ་མ་གང་ཡིན་པ་དེ་དག་ནི་སེམས་ཅན་ཐམས་ཅད་ལ་ཕན་པ་དང་། བདེ་བ་དང་། ཡིད་དགའ་བར་བྱ་བ་དང
246b3 བསོད་ནམས་མི་ཟད་པར་བྱ་བའི་ཕྱིར་སྤྲུལ་པ་ཡིན་ཏེ། སྒྱུ་འཕྲུལ་འདི་ནི་བྱང་ཆུབ་སེམས་དཔའ་རྣམས་མ་གཏོགས་པར་སེམས་ཅན་རྣམས་ཀྱིས་མི་ཤེས་སོ།། དེ་ལྟར་ན་བྱང་ཆུབ་སེམས
246b4 དཔའི་སྤྱོད་པ་ནི་དཔག་ཏུ་མེད་དོ།། དེ་ལྟར་ན་བྱང་ཆུབ་སེམས་དཔའ་ཆེན་པོ་རྣམས་ནི་དཔག་ཏུ་མེད་དོ།། བྱང་ཆུབ་སེམས་དཔའ་མི་མཆོག་རྣམས་ལ་ནི་སངས་རྒྱས་ཀྱིས་རྣམ་པར་འཕྲུལ་བའི
246b5 མཐུ་ཡོད་དོ།། མགར་བའི་བུ་ཙུན་དའང་བྱང་ཆུབ་སེམས་དཔའ་སེམས་དཔའ་ཆེན་པོ་ས་བཅུ་ཐོབ་པ་ཡིན་ཏེ། བྱང་ཆུབ་སེམས་དཔའ་རྣམས་ཀྱི་མཆོག་གི་མཐར་ཐུག་པ་ནི་དེ་ལྟ་བུ་ཡིན་ནོ།།
246b6 འོད་སྲུངས་ཆེན་པོ་དང་རུས་གཅིག་པས་གསོལ་པ། བཅོམ་ལྡན་འདས་དེ་ནི་དེ་ལགས་ཏེ། བྱང་ཆུབ་སེམས་དཔའ་རྣམས་ཀྱི་ནང་ན་མི་མཆོག་ཙུན་ད་ལ་བདག་རྗེས་སུ་ཡི་རང་ལགས་སོ།།
246b7 བཅོམ་ལྡན་འདས་ད་ནི་མདོ་སྡེ་རྣམས་བཤད་པའི་སླད་དུ་སྣང་བ་མཛད་པའི་རིགས། བཅོམ་ལྡན་འདས་ཅི་ལགས། མདོ་སྡེ་ཐམས་ཅད་ལྷག་མ་མཆིས་པའི་དོན་ལགས་སམ། འོན
iiif viewer powered by OpenSeadragon
