| e-texts navigator |
| Wylie |
243b1 གྱུར་ཏོ།། དེ་ནས་བཅོམ་ལྡན་འདས་ཀྱིས་ཉིད་ཀྱི་བསྤུའི་ཁུང་བུ་ཐམས་ཅད་ནས་པ་སཱ་རེ་རེའི་ཁུང་བུ་ནས་ཀྱང་སངས་རྒྱས་རེ་རེ་མངོན་དུ་སྤྲུལ་ནས། དེར་འཁོར་རེ་རེའི་ནང་དུའང་དེ་བཞིན།
243b2 གཤེགས་པ་རེ་རེ་དགེ་སློང་གི་དགེ་འདུན་དང་བཅས་པ་བཤེས་གསོལ་བ་ལྟ་བུར་བསྟན་ཏོ།། དེ་བཞིན་གཤེགས་པ་ཉིད་ནི་ཙུན་ངས་ཕུལ་བའི་ཞལ་ཟས་གསོལ་ལོ།། ཙུན་དས་འབྲས
243b3 སཱ་ལུ་ཡུལ་མ་གྲ་དྷའི་ན་ལི་ཏ་བརྒྱད་ལས་ནས་ཟས་སྦྱར་བའང་དེ་བཞིན་གཤེགས་པའི་མཐུས་དགེ་སློང་གི་དགེ་འདུན་ཐམས་ཅད་ཞལ་ཟས་ཀྱིས་ཁྱེར་བར་མཛད་དོ།། དེ་ནས་ཙུན་དའང
243b4 དགའ་བར་གྱུར་ཏེ། བདག་གི་སྦྱིན་པ་དེ་བཞིན་གཤེགས་པའི་དགེ་སློང་གི་དགེ་འདུན་དང་བཅས་པས་གསོལ་ནས་ཡོངས་སུ་མྱ་ངན་ལས་འདའ་བར་མཛད་དོ་སྙམ་མོ།། འཁོར་དེ་དག
243b5 ཐམས་ཅད་ཀྱང་འདི་སྙམ་དུ་སེམས་ཏེ། བདག་ཅག་གིས་ཕུལ་བའི་ཞལ་ཟས་དེ་བཞིན་གཤེགས་པས་བཞེས་ཀྱིས། ཙུན་དའི་མ་བཞེས་སོ།། བདག་ཅག་གིས་ཕུལ་བའི
243b6 ཞལ་ཟས་གསོལ་ནས་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་མཛད་དོ་སྙམ་སྟེ། མཆོག་ཏུ་དགའ་བར་འགྱུར་ཏོ།། འཁོར་ཆེན་པོ་དེ་ན་དེ་བཞིན་གཤེགས་པ
243b7 རྣམས་བཤོས་གསོལ་ཞིང་བཞུགས་པའི་བར་མཚམས་སྨྱུང་བུའི་རྩེ་མོའི་ཁྱོན་ཙམ་གྱིས་མཆོད་པར་སྣང་ངོ་།། ཁ་ཅིག་ནི་ཁབ་ཀྱི་རྩེ་མོའི་ཁྱོན་ཙམ་གྱིས་ཕྱོགས་དག་ན་བཞུགས་ཤིང་ནལ་ཟས
iiif viewer powered by OpenSeadragon
