| e-texts navigator |
| Wylie |
242a1 འམ་བསྟན་མི་ནུས་ཏེ། དེ་བས་ན་དེ་དག་ནི་དེ་བཞིན་གཤེགས་པ་བརྟག་པར་བསྒོམས་པ་དང་བྲལ་བའི་ཕྱིར་ཤའི་མིག་དང་ལྡན་པ་ཞེས་ང་ཟེར་རོ།། རིགས་ཀྱི
242a2 བུ་གཞན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་འཇིག་རྟེན་ཐམས་ཅད་ཀྱི་ཕ་མ་ལྟ་བུ་ཡིན་ནོ།། ཅིའི་ཕྱིར་ཞེ་ན། སེམས་ཅན་རྐང་གཉིས་དང
242a3 རྐང་མངས་ཐམས་ཅད་ལ་རང་གི་ཡུལ་བཞིན་དུ་ཆོས་སྟོན་ཅིང་། ཚིག་གཅིག་གིས་སེམས་ཅན་ཐམས་ཅད་ཀྱིས་རང་རང་གི་ཡུལ་བཞིན་དུ་ཤེས་པར་འགྱུར་ཏེ། ཀྱེ་མ་བདག་ཅག་གི་རང
242a4 བཞིན་དང་། འདུ་ཤེས་རྣམས་རྟོག་པར་བྱ་བའི་ཕྱིར་ཆོས་སྟོན་ཏོ་སྙམ་དུ་འཛིན་ཏོ།། རིགས་ཀྱི་བུ་གཞན་ཡང་དཔེར་ན་ཁྱིམ་བདག་གམ་ཚོང་དཔོན་ཡང་རུང་སྟེ། རང་གི་བུ་ཟླ་བ་བཅུ
242a5 དྲུག་ལོན་པ་དང་། ལྷན་ཅིག་ཏུ་ལྐུགས་པ་བཞིན་དུ་སྨྲ་བར་བྱེད་དེ། དེའི་དབང་གིས་བུ་དེའི་མིའི་སྐད་སློབ་པར་བྱེད་ན། ཅི་དེའི་བལྐུགས་པ་ཞེས་བྱ་འམ། གསོལ་པ
242a6 བཅོམ་ལྡན་འདས་དེ་ནི་མ་ལགས་ཏེ། བུ་དེའི་དབང་གིས་བགྱིད་པར་བལྟ་ལགས་སོ།། བཀའ་སྩལ་པ། རིགས་ཀྱི་བུ་དེ་བཞིན་དུ་དེ་བཞིན་གཤེགས་པའང་ལྐུགས་པ་བཞིན
242a7 དུ་གསུང་སྟེ། སེམས་ཅན་ཐམས་ཅད་དམ་པའི་ཆོས་ལ་དགོད་པའི་ཕྱིར་དེ་ལྟ་བུའི་སྐུ་སྟོན་པར་མཛད་ན། ཅི་དེ་བཞིན་གཤེགས་པའང་ལྐུགས་པ་ཞེས་བྱ་འམ། གསོལ་པ
iiif viewer powered by OpenSeadragon
