| e-texts navigator |
| Wylie |
233a1 གདུལ་བར་བྱ་བ་རྣམས་ཅི་དང་ཇི་ལྟ་བུར་འདོད་པ་དེ་དང་དེ་ལྟ་བུའི་ཐབས་ཀྱི་གཟུགས་མངོན་པར་སྤྲུལ་ནས་སེམས་ཅན་རྣམས་སྒྲོལ་བར་མཛད་དོ།། དེ་བས་ན་དེ་བཞིན
233a2 གཤེགས་པའི་སྐུ་ནི་མཐའ་ཡས་ཏེ་རྟག་པ་ཡིན་ནོ།། རིགས་ཀྱི་བུ་གཞན་ཡང་དཔེར་ན་ཨ་མྲའི་ཤིང་ངམ། འཛམ་བུའི་ཤིང་ཡང་རུང་། དུས་ཚིགས་རྣམ་པ་གསུམ་གྱི་དབང་གིས་འགྱུར་ཏེ།
233a3 རེས་འགའ་ནི་སྦལ་མིག་བྱེ་བ་དང་། ལོ་མ་ཁ་འབུ་བར་འགྱུར་རོ།། རེས་འགའ་ནི་ལོ་མ་རྒྱས་ཤིང་གྲིབ་མ་བསིལ་བར་འགྱུར་རོ།། རེས་འགའ་ནི་ཤིང་སྐམ་པོ་བཞིན་དུ་ལོ་མ་ལྷགས་པར
233a4 འགྱུར་ན། ཇིག་ཤིང་དེ་དག་ཤི་ཞེས་བྱ་བ་འམ། གསོལ་པ། བཅོམ་ལྡན་འདས་དེ་ནི་མ་ལགས་སོ།། བཀའ་སྩལ་པ། རིགས་ཀྱི་བུ་དེ་བཞིན་དུ་དེ་བཞིན་གཤེགས་པ་དགྲ
233a5 བཅོམ་པ་ཡང་དག་པར་རྫོགས་པའི་སངས་རྒྱས་ཉིད་གདུལ་བར་བྱ་བའི་དབང་གིས་འཇིག་རྟེན་གསུམ་དུ་འཇིག་རྟེན་གསུམ་གྱི་ཐབས་ཀྱི་སྐུ་རྣམ་པ་གསུམ་སྟོན་པར་མཛད་དེ། སྐྱེ་བ་ལྟ་བུ་དང
233a6 འཚོ་ཞིང་བཞུགས་པ་ལྟ་བུ་དང་། ཡོངས་སུ་མྱ་ངན་ལས་འདའ་བ་ལྟ་བུར་སྟོན་ན། ཇི་ག་དེ་བཞིན་གཤེགས་པ་མི་རྟག་པ་ཡིན་ན་མོ། གསོལ་པ། བཅོམ་ལྡན་འདས་དེ་ནི་མ་ལགས་སོ།།
233a7 བཀའ་སྩལ་པ། རིགས་ཀྱི་བུ་དེ་བས་ན་དེ་བཞིན་གཤེགས་པ་རྟག་པ་ཡིན་ནོ།། རིགས་ཀྱི་བུ་དེ་ལྟར་ན་དེ་བཞིན་གཤེགས་པའི་སྐུ་དང་། དེ་བཞིན་གཤེགས་པའི་དགོངས་པའི་ཚིག་ཀྱང་ཤེས
iiif viewer powered by OpenSeadragon
