| e-texts navigator |
| Wylie |
230a1 དང་། ཀླུ་དང་། གནོད་སྦྱིན་དང་། སྲིན་པོའི་གདོན་རྣམས་མེད་པར་འགྱུར་རོ།། དེ་སྟེ་མཁྱེར་ན་བདག་ཉིད་འགྲོ་བར་བྱའོ།། དཔེར་ན་མདོར་ཆུད་ཟོས་ན་མི
230a2 རུང་ངོ་ཞེས་ཟེར་ལ། དེ་ནས་སྨན་པ་འམ་སྨན་པའི་འཕྲིན་པ་དེ་ཐག་རིང་པོ་ཞིག་ནས་མཐོང་ནས། སྔགས་དེའི་གཟི་བྱིན་དང་མཐུས་གནོད་པ་ཐམས་ཅད་ཞི་བར་འགྱུར་ཏེ། དེའང་བདེ་བར
230a3 འགྱུར་བ་དེ་བཞིན་དུ། ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་མཐུ་ཆེ་བ་འདི་ཡི་གེར་བྲིས་པ་ནི་གྲ་ག་ཞིག་གནས་ན་ཡོད་དོ་ཞེས་དགེ་སློང་ངམ། དགེ་སློང་མ་འམ། འདི་ལས
230a4 ཕྱི་རོལ་པ་གཞན་གྱིས་ཤེས་སམ། གཞན་གྱིས་ཐོས་ན་དེ་དག་གི་བྱང་ཆུབ་ཀྱི་རྒྱུར་འགྱུར་ལ། ཕམ་པ་བྱེད་པ་དང་། མཚམས་མེད་པའི་ལས་བྱེད་པའི་འབྱུང་པོ་དང་ཤ་ཟའི་གདོན་གྱིས
230a5 ཟིན་པ་ཇི་སྙེད་ཀྱིས་ཐོས་ཀྱང་རུང་སྟེ། དེ་དག་ཐམས་ཅད་སྨན་པ་ཆེན་པོ་མཐོང་བ་བཞིན་དུ་གདོན་དང་བྲལ་ཏེ་བྱང་ཆུབ་སེམས་དཔའ་ཆེན་པོར་འགྱུར་རོ།། ཅིའི་ཕྱིར་ཞེ་ན། དེ་བཞིན་གཤེགས
230a6 པ་རྟག་པའི་མདོ་སྡེ་ཆེན་པོའི་མཐུའི་རྒྱུས་དེ་ལྟར་འགྱུར་ཏེ། དེ་ལྟར་གང་དག་གིས་མདོ་སྡེ་ཆེན་པོ་གླེགས་བམ་ལ་བྲིས་པ་བཀླགས་སམ། ཐོས་སམ། དྲིས་ཀྱང་རུང་། དེ་དག
230a7 ལྟ་བྱང་ཆུབ་སེམས་དཔའ་སེམས་དཔའ་ཆེན་པོར་ཅི་སྟེ་མི་འགྱུར། འདོད་ཆེན་པོ་ནི་མ་གཏོགས་སོ།། དཔེར་ན་འོན་པས་སྒྲ་མི་ཐོས་པ་དེ་བཞིན་དུ། འདོད་ཆེན་པོས་ཀྱང་མདོ་སྡེ་འདི
iiif viewer powered by OpenSeadragon
