| e-texts navigator |
| Wylie |
229b1 ཞིང་ལས་བྱེད་འདོད་པའི་སེམས་ཅན་མཚན་མོ་སྡོང་བ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོའི་མིམ་འཆར་བ་སྡོང་།། དེ་ནས་མངོན་པོ་འདི་ལས་དགོངས་པའི་ཚིག་ཐོས་ནས
229b2 དམ་པའི་ཆོས་ཀྱི་གནས་སུ་ལས་རྩོམ་པར་བྱེད་དོ།། དེ་ནུས་ནིང་ལས་ཇི་ལྟར་བྱས་བྲལ་ཆར་ཆེན་པོ་བབས་པུས་ལོ་ཏོག་སྐྱེ་བར་འགྱུར་ལ། ལོའང་ལེགས་པར་འགྱུར་རོ།། དེ་བཞིན་དུ།
229b3 དམ་པའི་ཆོས་ཀྱི་ཞིང་ལས་བྱས་པ་ལ་དེ་བཞིན་གཤེགས་པའི་སྙིང་པོའི་མདོ་སྡེ་ཆེན་པོའི་སྤྲིན་ཆེན་པོ་ལས་ཐོས་པའི་ཆོས་ཀྱི་ཆར་བོབས་ནཱ། རིམས་ནད་རྣམ་པ་བརྒྱད་ལས་རྣམ་པར་གྲོལ་བ་དང
229b4 བདེ་བ་དང་། ལོ་ལེགས་པ་དང་ཡིད་དུ་འོང་བར་བྱེད་པའི་ལུང་བསྟེན་པ་ཆེན་པོའི་ལོ་ཏོག་སྐྱེ་བར་འགྱུར་ཏེ། དམ་པའི་ཆོས་པདྨ་དཀར་པོའི་མདོ་ཆེན་པོ་ལས། ཉན་ཐོས་ཆེན་པོ
229b5 བརྒྱད་ཅུ་དཔྱིད་ཟླ་ར་བ་ལ་འབྲུ་རྣམས་མཐར་ཐུག་པ་བཞིན་དུ་ལུང་བསྟན་པ་ཆེན་པོའི་ལོ་ཏོག་སྐྱེ་བའི་མཐར་ཐུག་པ་དང་འདྲ་བར་འགྱུར་ཏེ། འདོད་ཆེན་པ་ནི་མ་གཏོགས་སོ།།
229b6 འཕག་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ་ལས་བམ་པོ་བཅུ་གཉིས་པ། རིགས་ཀྱི་བུ་དཔེར་ན་སྨན་པ་ཆེན་པོས་འབྱུང་པོས་ཟིན་པ་འམ། སྦྲུལ་གྱིས་ཟིན
229b7 པའི་དོན་དུ་སྨན་གྱི་རི་ལུ་འམ། སྨན་གནོད་སེལ་རྒྱང་གྲགས་མང་པོ་ཞིག་ཏུ་བསྐུར་ཏེ་འདི་སྐད་དུ། སྨན་འདི་མྱུར་དུ་ཁྱེར་ལ་ཁྱེད་ནས་ཀྱང་དེའི་དཔྱིད་གྱིས་ཤིག་དང་། དེ་ལྟར་བྱས་ན་དེའི་ལྷ
iiif viewer powered by OpenSeadragon
