| e-texts navigator |
| Wylie |
229a1 བཟད་པ་ཡོད་པའི་ཕྱིར་རོ།། དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོའི་སྒྲ་གང་དུ་ཐོས་ཀྱང་རུང་སྟེ། འདུ་བྱེད་ཀྱི་ཕོ་བྲང་འཁོར་ན་གན།
229a2 པའི་སེམས་ཅན་ཐམས་ཅད་ཀྱི་འདོད་ཆགས་དང་། ཞེ་སྡང་དང་། གཏི་མུག་གི་ཟུག་རྔུ་རྣམས་འབྱིན་པར་བྱེད་ལ། འདུ་བྱེད་པ་མེད་པར་ཡང་བྱེད་དོ།། ཕོ་བྲང་འཁོར་ན་གནས་པ་དེ
229a3 དག་གི་ཡིད་ལ་འདི་སྙམ་དུ་ཟུག་རྔུ་འབྱུང་བར་མི་འགྱུར་རོ་སྙམ་དུ་སེམས་ཀྱི། དེ་དག་གི་ཡིད་ལ་ཟུག་རྔུ་རྣམས་འབྱུང་བར་འགྱུར་རོ་སྙམ་དུ་ཇིག་སེམས་སམ། དེ་བཞིན་དུ་ཅིག་ཤོས་རྣམས
229a4 ལའང་འདོད་ཆགས་དང་། ཞེ་སྡང་དང་། གཏི་མུག་གི་ཟུག་རྔུ་རྣམས་འབྱུང་བར་འགྱུར་རོ་སྙམ་པའི་སེམས་མེད་དེ། དེ་དག་གི་སེམས་ནི་འདོད་པ་རྣམས་ལ་གནས་སོ།། དེ་བཞིན་དུ།
229a5 ཕམ་པ་བྱེད་པ་རྣམས་དང་། མཚམས་མེད་པའི་ལས་བྱེད་པ་སེམས་སྐྱེད་མི་དགོས་པར་འཛིན་པ་རྣམས་ཀྱི་ཡང་བྱང་ཆུབ་ཀྱི་རྒྱུ་སྐྱེད་པར་བྱེད་དེ། འདོད་ཆེན་པ་འཆི་བའི་དུས་ལ་བབ་པ་དང
229a6 འདྲ་བ་ནི་མ་གཏོགས་སོ།། རིགས་ཀྱི་བུ་དཔེར་ན་མཚན་མོ་མུན་པའི་ནང་ན་འཛམ་བུ་གླིང་པའི་སེམས་ཅན་རྣམས་ཞིང་ལ་ས་ལ་སོགས་པའི་ལས་བྱ་བ་ལ་འཇུག་པ་མེད་དེ་ཉི་མ་འཆར་བསྡོད་ཅིང
229a7 འཁོད་དོ།། དེ་བས་ཉི་མ་ཤར་བ་དང་ཞིང་ལས་ལ་སོགས་པ་བྱེད་པ་ལ་འཇུག་གོ།། དེ་བཞིན་དུ་ཐེག་པ་ཆེན་པོ་པ་རྣམས་ཀྱིས་ཀྱང་མདོ་སྡེ་དང་། ཏིང་ངེ་འཛིན་ཐམས་ཅད་ཐོས་ཤིང་བསྒོམས་ནས།
iiif viewer powered by OpenSeadragon
