| e-texts navigator |
| Wylie |
226a1 ཟེར་ཏེ། དེ་སྐད་དུ་དམ་པའི་ཆོས་མ་ཡིན་པ་སྨྲ་བ་ནི་འོ་མ་བཞིན་དུ་མོ་དྲལ་ལྡང་བར་མི་འགྱུར་ཏེ། མེ་ཐལ་བས་བཀབ་པ་ལ་བབ་པ་བཞིན་དུ་བྱིས་པ་འདོད་ཆེན
226a2 པ་རྣམས་ཕྱིས་ཚིག་པར་འགྱུར་རོ།། དེ་ལྟར་ན་སངས་རྒྱས་ཀྱི་བསྟན་པ་ཐེག་པ་ཆེན་པོ་ཆ་ཕྲ་བ་ཡིན་ཏེ། མདོ་སྡེ་འདི་ནི་ཀ་ཏ་ཀའི་འབྲས་བུ་དང་འདྲའོ།། རིགས་ཀྱི་བུ་དཔེར་ན་མེ་ཏོག་པདྨ
226a3 ཁ་ཟུམས་པ་ཉི་མའི་འོད་ཀྱིས་ཕོག་མ་ཐག་ཏུ་ཁ་འབྱེ་བ་དེ་བཞིན་དུ། ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདི་ཐོས་མ་ཐག་ཏུ། བྱང་ཆུབ་ཀྱི་སེམས་མིང་ཙམ་བསྐྱེད་པའང།
226a4 མི་དགོས་པར་འཛིན་པའི་སེམས་ཅན་ཐམས་ཅད་ཀྱང་དབང་མེད་པར་བྱང་ཆུབ་ཀྱི་རྒྱུ་སྤུ་དྲུང་ཐམས་ཅད་དུ་འཇུག་པར་འགྱུར་རོ།། འདོད་ཆེན་པ་རྣམས་ལའང་དྲི་བཞིན་གཤེགས་པའི་སྙིང་པོ་ཡོད
226a5 མོད་ཀྱི། འོན་ཀྱང་གཡོགས་མ་ཤིན་ཏུ་སྡུག་པར་འདུག་གོ།། དཔེར་ན་དར་གྱི་སྲིན་བུ་རང་ཉིད་ཀྱི་ཀུན་ནས་དཀྲིས་ཏེ་སྒོམ་བཏོད་པར་ཕྱིར་འབྱུང་མི་ནུས་པ་དེ་བཞིན་དུ། དེ་བཞིན་གཤེགས
226a6 པའི་སྙིང་པོའང་དེའི་ལས་ཀྱི་ཉེས་པས་འདོད་ཆེན་པའི་ཁོང་ནས་དབྱུང་བར་མི་ནུས་སོ།། དེ་བས་ན་འཁོར་བའི་མཐའ་ལས་བྱང་ཆུབ་ཀྱི་རྒྱུ་མི་འཐོབ་བོ།། དེ་བས་ན་རིགས་ཀྱི་བུ་དཔེར
226a7 ན་པདྨ་དང་། ཨུཏྤ་ལ་དང་། ཀུ་མུ་ད་དང་། པདྨ་དཀར་པོ་རྣམས་འདམ་གྱི་ནང་ནས་སྐྱེས་ནས་ཀྱང་འདམ་གྱིས་མི་དགོས་པ་དེ་བཞིན་དུ། མདོ་སྡེ་ཆེན་པོ་འདི་ལའང་ཐེག་པ་ཆེན
iiif viewer powered by OpenSeadragon
