| e-texts navigator |
| Wylie |
225a1 གང་གི་ཚེ་འཁོར་བ་ན་གནུས་པའི་སེམས་ཅན་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བ་དེའིདེ་བཞིན
225a2 གཤེགས་པའི་བྱས་པ་ཆུང་བབར་འགྱུར་ཏེ། དེའི་ཚེ་གཏན་དུ་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན་ལས་འདས་ནས། མར་མེ་དང་ཤིང་ཟད་པའི་མེ་བཞིན་དུ་སངས་རྒྱས་མི་རྟག
225a3 པར་འགྱུར་རོ།། དེ་བཞིན་དུ་འདོད་ཆེན་པོའི་སྡིག་པའི་ལས་ཀྱང་སྨད་པ་དང་གཤུང་བ་ཡིན་ནོ།། བྱང་ཆུབ་ཀྱི་རྒྱུའི་བསོད་ནམས་གང་ཡིན་པ་དེ་གལ་ཏེ་བྱང་ཆུབ་སེམས་དཔའ་སྤོང་བྱར་བྱེད
225a4 དེའང་ཐེག་པ་ཆེན་པོ་ལས་སྨད་པ་དང་གཤུང་བ་ཞེས་བྱའོ།། དེ་སྟེ་མི་སྤོང་ན་ནི། དེ་ལྟ་ན་རྫོགས་པའི་སངས་རྒྱས་ཞེས་བྱ་བའི་མིང་ཡང་ཐོགས་པར་འགྱུར་ཏེ། དེ་ནི་སངས་རྒྱས
225a5 རྣམས་ཀྱི་ཆོས་ཉིད་དོ།། འོ་མ་དང་ནི་སྡིག་པས་ལས།། མོད་ལ་ལྡང་བར་མི་འགྱུར་ཏེ།། མེ་ནི་ཐལ་བས་གཡོགས་པ་ལ།། བྱིས་པ་སེད་ན་ཚིག་པ་བཞིན།། འདོད།།
225a6 ཆེན་པ་ལོང་པ་གཅིག་པུ་དགྲ་བཅོམ་པ་ཡིན་པར་འདོད་པ་ནི་ལམ་མི་བཟད་པ་ཆེན་པོར་འགྲོ་འདོད་དོ།། བྱམས་པ་དང་ལྡན་པའི་དགྲ་བཅོམ་པ་ཡིན་པར་འདོད་ལ་ཤིན་ཏུ་རྒྱས་པ་སུན་དབྱུང་བར
225a7 འདོད་དེ་དགྲ་བཅོམ་པ་ཡིན་པར་འདོད་ཅིང་། ཉན་ཐོས་ཀྱི་ཐེག་པ་སུན་ཕྱུང་ནས་ང་ནི་བྱང་ཆུབ་སེམས་དཔའ་སྟེ་ཤི་ཏ་རྒྱས་པ་སྟོན་པ་ཡིན་ནོ།། སེམས་ཅན་ཐམས་ཅད་ལ་དེ་བཞིན་གཤེགས
iiif viewer powered by OpenSeadragon
