| e-texts navigator |
| Wylie |
213a1 བག་མེད་པ་དང་ལྡན་པ་རྣམས་ནི་འདུ་བྱེད་དུ་གྱུར་པ་ཡིན་ཏེ། དེ་དག་ནི་མཆོག་ཏུ་སྡུག་བསྔལ་བའོ།། མྱ་ངན་ལས་འདས་པ་གང་ཡིན་པ་དེ་དག་ནི་འཆི་བ་མེད་པ།
213a2 ཡིན་ནོ་ཞེས་ང་ཟེར་རོ།། བག་ཡོད་པ་དང་ལྡན་པ་གང་ཡིན་པ་དེ་དག་ནི་འདུ་བྱེད་དུ་གྱུར་པ་མ་ཡིན་ཏེ། དེ་དགི་ནི་འདུ་བྱེད་རྣམས་ལ་སྤྱོད་ཀྱང་རྒ་བ་མེད་པ་དང་། འཆི་བ་མེད་པ་དང
213a3 གཞིག་ཏུ་མེད་པ་ཞེས་ངཟེར་རོ།། དེ་ལ་བག་མེད་པ་དང་ལྡན་པ་རྣམས་ནི་གང་ཡིན། བག་ཡོད་པ་དང་ལྡན་པ་རྣམས་ནི་གང་ཡིན་ཞེ་ན། འཇིག་རྟེན་པ་རྣམས་ནི་བག་མེད་པ་དང་ལྡན་པ
213a4 ཡིན་ཏེ་ཤི་བ་དང་འདྲའོ།། འཇིག་རྟེན་ལས་འདས་པ་རྣམས་ནི་རྒ་བ་མེད་པ་དང་། འཆི་བ་མེད་པའོ།། བག་ཡོད་པ་དང་ལྡན་པ་རྣམས་ནི་མྱ་ངན་ལས་འདས་པ་མཆོག་ཏུ་དདེ།
213a5 བ་ཐོབ་པའོ།། དེ་བས་ན་ཆོས་ཁ་ཅིག་ནི་སྡུག་བསྔལ་ལ། ཆོས་ཁ་ཅིག་ནི་བདེ་བ་ཡིན་ནོ་ཞེས་ངས་བསྟན་ཏོ།། ཆོས་ཁ་ཅིག་ནི་བདག་མེད་ལ། ཆོས་ཁ་ཅིག་ནི་བདག་ཡོད་པོ་ནི
213a6 དཔེར་ན་ས་ལ་འདུག་པའི་མི་ལྷའི་མིག་མེད་པས་ནམ་མཁའ་ལ་བྱ་འཕུར་བའི་རྗེས་མི་མཐོང་བ་དེ་བཞིན་དུ་ཉོན་མོངས་པ་ལ་གནས་པ་རྣམས་ཀྱིས་བདག་ཉིད་ལ་སྙིང་པོའི་མཆོག་ཡོད་པ་བདག
213a7 གིས་མི་མཐོང་སྟེ། དེ་བས་ན་ངས་དགོངས་པའི་ཚིག་གིས་བདག་མེད་དོ་ཞེས་བསྟན་ཏོ།། ལྷའི་མིག་མེད་པའི་མི་རྣམས་ཀྱིས་ནི་བདག་ལ་བདག་ཡོད་དུ་ཟིན་ཀྱང་མི་མཐོང་སྟེ། ཉོན
iiif viewer powered by OpenSeadragon
