| e-texts navigator |
| Wylie |
202b1 བྱེད་དོ།། ཁ་ཅིག་ནི་ཅི་དགའ་དགུར་རྟོགས་པར་བྱེད་པ་དེ་བཞིན་དུ། བྱང་ཆུབ་སེམས་དཔའ་སེམས་དཔའ་ཆེན་པོའང་མཐའི་རྒྱལ་པོའི་བུ་དེ་དང་འདྲ་བར་འཇིག་རྟེན་དུ་བྱུང་ས། བདག
202b2 གི་དེ་ཁོ་ན་ཉིད་བསྟན་ནས་འཆི་བར་བྱེད་དོ།། དེ་ནས་བློ་ཆུང་བ་གང་ཡིན་པ་དེ་དག་ནི་སེམས་ཅན་ཐམས་ཅད་ལ་བདག་འདི་ལྟ་བུ་ཞིག་འདི་འདྲ་བ་ཞིག་ཡོད་དོ་སྙམ་སྟེ། ལོག་པར་མཐོང་ནས
202b3 ཤེས་རབ་མེད་པ་རྣམས་ལ་རྨི་ལམ་དུ་མི་རྨིས་པ་བཞིན་དུ་སྟོན་པར་བྱེད་དོ།། འཇིག་རྟེན་པ་དེ་དག་གིས་ཀྱང་དེ་སྐད་དུ་ཐོས་ནས་རང་གི་ལུས་ལ་བདག་གི་ཁམས་ཡོད་དོ་སྙམ་དུ་རྟོག་པར་བྱེད་ལ།
202b4 དེདག་གིས་བདག་དེའི་རང་བཞིན་ནི་མི་ཤེས་སོ།། དེ་ལྟར་བྱང་ཆུབ་སེམས་དཔའི་ཚིག་ཐོས་ནས་ལོག་པར་བཟུང་སྟེ་རལ་གྲི་ར་རུ་འདྲ་བར་རྟོག་པ་དེ་བཞིན་དུ་རྣམ་པ་མང་པོར་རྟོག་པར་བྱེད་དོ།།
202b5 འཇིག་རྟེན་པ་རྣམས་སྐྱེས་བུ་མཐེ་བོ་ཙམ་ཞེས་བྱ་བ་དང་། ལྡུམ་བུ་ཤྭ་ཀའི་འབྲས་བུ་ཙམ་དང་། འབྲས་ཀྱི་འབྲུ་ཙམ་ཞིག་སྙིང་ལ་གནས་ཏེ་འབར་རོ་ཞེས་ལོག་པར་རྟོག་པར་བྱེདདེ
202b6 དེ་དག་གི་ལྟ་བ་དེ་ནི་ལོག་པར་ལྟ་བ་གཅིག་ནས་གཅིག་ཏུ་བརྒྱུད་དེ་འོངས་པ་ཡིན་ཏེ། དོན་དུ་འགྱུར་བ་དང་བདེ་བར་འགྱུར་བ་མ་ཡིན་ནོ།། དེ་བས་ན་ངས་བདག་མེད་པ་བསྟན་ཏོ།། འོ།
202b7 ཀྱང་རུང་ཡང་འཇིག་རྟེན་པ་རྣམས་བདག་ཡོད་སྙམ་དུ་ལོག་པར་རྟོག་པར་བྱེད་དོ།། རིགས་ཀྱི་བུ་དེ་བས་ན་ད་ཡང་ངའི་བསྟན་པ་ལས་རལ་གྲི་ཡང་དག་པ་དང་འདྲ་བར་བདག་ནི་འདི་ལྟ་བུ་ཞིག་གོ
iiif viewer powered by OpenSeadragon
