| e-texts navigator |
| Wylie |
183b1 བའི་སྙིང་པོའི་རྐྱེན་གྱི་ཕྱིར་ཏེ། དེ་ཤེས་པ་ནི་ཡང་དག་པར་རྫོགས་པའི་སངས་རྒྱས་ཀྱི་བཀའ་ལས་སྡུག་བསྔལ་འགོག་པའི་ཚིག་བདེད་པ་ཞེས་བྱའོ།། བཞིན་ནི་བསྒོམ་པ་མ་ཡིན་པ་ལ་བ་སྒོམས་པའོ།།
183b2 འདི་ནི་སྡུག་བསྔལ་འགོག་པར་འགྱུར་བའི་ལམ་ཞེས་བྱ་བ་ནི། དེ་བཞིན་གཤེགས་པ་དང་། ཆོས་དང་། དགེ་འདུན་དང་། ཐར་པ་རྣམས་ཏེ། འདི་ལྟར་དེ་རྣམས་ལ་ཕྱིན་ཅི་ལོག་བཞིས
183b3 ཕྱིན་ཅི་ལོག་ཏུ་གྱུར་པའི་དངོས་པོ་ནི་ཐར་པའོ།། ཐར་པ་ལ་ཡང་ཅིའང་མེད་དོ་སྙམ་པ་དེ་ནི་འདི་ལྟར་སྒྱུ་མར་འདུག་སྟེ། འཁོར་བའི་སྡུག་བསྔལ་གྱི་ནང་དུ་ཡོངས་སུ་འཁྱམ་པ་ཡིན་པ་ལ། བསྒོམ
183b4 ཉེས་པ་དེའི་འབྲས་བུ་ས་ནི་ཡུན་རིང་པོར་སྡུག་བསྔལ་ཉམས་སུ་མྱོང་བར་འགྱུར་རོ།། ད་ནི་བདག་གིས་དེ་བཞིན་གཤེགས་པ་དང་། ཆོས་དང་། དགེ་འདུན་དང་། ཐར་པ་རྣམས་རྟག་པ་དང་།
183b5 བརྟན་པ་དང་། ཐེར་ཟུག་པ་དང་། འཇིག་པར་མི་འགྱུར་བར་སེམས་གཅིག་བསྐྱེད་པའི་འབྲས་བུས་དབང་ཕྱུག་རྟག་པའི་འབྲས་བུ་ཐོབ་བོ།། ཕྱིན་ཅི་ལོག་བཞི་པོ་སྡུག་བསྔལ་དང་། བདག
183b6 མེད་པ་དང་། མི་གཙང་བ་རྣམས་ཆོས་མ་ཡིན་པ་ལ་ཆོས་ཡིན་ནོ་སྙམ་དུ་འཛིན་པས་ལྟ་བ་ངན་པའི་འབྲས་བུ་མྱོང་བ་འདི་ནི། སྡུག་བསྔལ་འགོག་པར་འགྱུར་བའི་ལམ་ཞེས་བྱའོ།། གཞི་གསུམ
183b7 རྟག་པར་བསྒོམས་པ་བསྒྲུབ་པའི་ཕྱིར། མི་རྟག་པ་བསྒོམ་པ་གང་ཡིན་པ་དེ་དག་ནི་མི་བདེན་པ་ལ་བསྒོམ་པ་ལ་བསྒོམས་པ་ཡིན་ནོ།། དེ་ལྟར་རྟག་པར་བསྒོམ་པ་གང་ཡིན་པ་དེ་དག་ནི་ངའི
iiif viewer powered by OpenSeadragon
