| e-texts navigator |
| Wylie |
183a1 སྙམ་དུ་ཤེས་པ་འདི་ནི་སྡུག་བསྔལ་ཀུན་འབྱུང་བ་ཤེས་པ་ཞེས་བརྗོད་པར་བྱའོ།། གཞན་དག་གི་ནི་དེ་ལྟ་མ་ཡིན་ནོ།། འདི་ན་སྡུག་བསྔལ་འགོག་པ་ཞེས་བྱ་བ་ལ།། སྟོང་།
183a2 པ་ཉིད་བསྒོམ་པ་ནི་གཏན་དུ་སྟོང་པ་ཉིད་བསྒོམ་པ་ཐམས་ཅད་ཟད་པ་དེ་བཞིན་གཤེགས་པའི་སྙིང་པོ་མེད་པར་བྱེད་པ་དེ་ལྟ་མ་ཡིན་ཏེ། སྡུག་བསྔལ་འགོག་པ་བསྒོམ་པ་ནི། ཡ་མཚན་ཅན་ཐམས
183a3 ཅད་ལའང་དོན་དང་འགལ་བའི་སྟོང་པ་ཉིད་ཡོད་དེ། དེ་རྣམས་ཀྱིའང་སྡུག་བསྔལ་འགོག་པ་ཞེས་བྱ་བར་འགྱུར་རོ།། སེམས་ཅན་ཐམས་ཅད་ལ་ནི་དེ་བཞིན་གཤེགས་པའི་སྙིང་པོ་ཡོད་དེ། དེ་ནི
183a4 གསལ་བར་མི་མངོན་ནོ།། གང་གི་ཚེ་ཉོན་མོངས་པ་ཟད་པའི་ཚེ། དེ་བཞིན་གཤེགས་པའི་སྙིང་པོ་ལ་འཇུག་པ་ཁྱེད་ཀྱིས་མཐོང་བར་འགྱུར་རོ།། གང་གི་ཚེ་སེམས་གཅིག་བསྐྱེད་པའི་ལས་ཀྱི
183a5 འབྲས་བུས་བདག་གིས་ཆོས་ཀྱི་དབང་ཕྱུག་རྟག་པ་དང་བདེ་བ་འཐོབ་བོ་སྙམ་དུ་ཁྱེད་ཀྱིས་ཤེས་པར་གྱུར་པ་དེ་ནི་སྡུག་བསྔལ་འགོག་པ་བསྒོམ་པར་བྱ་བ་ལ་བསྒོམས་པ་ཡིན་ནོ།། དེ་བཞིན་གཤེགས
183a6 པའི་སྙིང་པོ་བདག་མེད་པར་སྒོམས་ཤིག། གཏན་དུ་སྟོང་པ་ཉིད་བསྒོམས་པས་ནི་སྡུག་བསྔལ་རྣམས་མ་འགེགས་པར་བྱེ་མ་ལེབ་མར་མེའི་ནང་དུ་སོང་བ་བཞིན་དུ་འགྱུར་རོ།། དེ་ལྟ་མ་ཡིན་པར
183a7 བཞིན་གཤེགས་པའི་སྙིང་པོ་ཡོད་པར་བསྒོམས་པའི་སེམས་ཅན་རྣམས་ནི་ཉོན་མོངས་པ་རྣམས་ཡོད་བཞིན་དུ་ཉོན་མོངས་པའི་རྣམ་པ་འགོག་པར་བྱེད་དོ།། དེ་ཅིའི་ཕྱིར་ཞེ་ན། དེ་བཞིན་གཤེགས
iiif viewer powered by OpenSeadragon
