| e-texts navigator |
| Wylie |
179a1 བར་ཡིད་ལ་བྱེད་པ་དེ་ལྟ་བུས་རྙེད་པ་དང་། བཀུར་སྟི་དང་། བླ་མའི་མཆོད་པ་དང་། ཕྱག་བྱ་བ་དང་། ཟང་ཟིང་གི་ཕྱིར་དགྲ་བཅོམ་པ་འདྲ་བར་ཕན་ཚུན་ལྟ
179a2 བུའི་ཐབས་དང་། མིག་འཛུམས་པ་དང་། འགྲོས་རྣམས་འཆོས་པར་བྱེད་རིང་། ཆོས་གོས་དང་། སྣམ་སྦྱར་དང་། ལྷུང་བཟེད་རྣམས་འཆང་ལ་མལ་ཆ་དང་། སྟན
179a3 གསར་པའི་སྟེང་ན་འདུག་པ་དང་། སྐྱེ་བོ་དག་གིས་བདག་གི་དགེ་སློང་བཟང་པོ་དགེ་སློང་དཀའ་ཐུབ་ཅན་ཡིན་ནོ་ཞེས་བརྗོད་པར་འགྱུར་བར་བྱའོ།། འོན་ཏང་བདག་འཁོར་དང་སློབ་མ་དག་དང
179a4 ལྡན་པར་འགྱུར་རོ།། དེ་ནས་སྡེ་ཚན་བཅས་པ་དང་། བཟའ་བ་དང་། བཅའ་བ་དང་། བལྡག་པ་དང་། བཏུང་བའི་ཡོ་བྱད་རྣམས་རྙེད་པར་འགྱུར་རོ།། བུད་མེད་རྣམས་ཀྱིས
179a5 ཀྱང་བཀུར་བར་འགྱུར་རོ་སྙམ་པའི་སེམས་ཀྱིས་རྟོག་པས། ནང་མི་དང་གཡོག་འཁོར་རྣམས་ལ་ཤེས་པར་བྱེད་དེ། དེ་ལྟ་བུར་འཆབ་པའི་དགེ་སློང་ང་མ་དགེ་སློང་མ་ནི་མིའི་ཆོས
179a6 ལས་བླ་མར་གྱུར་པའི་ཉེས་པ་བྱུང་བ་ཡིན་ནོ་ཞེས་ངཟེར་རོ།། གཞན་ཡང་འདི་ན་དགེ་སློང་ལ་ལ་དམ་པའི་ཆོས་འབྱུང་བར་བྱའོ་སྙམ་པའི་སེམས་ཀྱིས་མལ་ཆ་དང་སྟན་གསར་པ་ལ་འདུག་ཅིང
179a7 སྐྱེ་བོ་ཐམས་ཅད་ཀྱིས་ཀྱང་ཀྱེ་མ་དགེ་སློང་འདི་ནི་དགེ་བ་བཟང་པོ་ཞིག་གོ་སྙམ་དུ་བདག་དགྲ་བཅོམ་པ་མ་ཡིན་པར་དགྲ་བཅོམ་པ་དང་འདྲ་བར་ཤེས་པར་བྱའོ།། བདག་དེ་ལྟ་བ་ཡིན་པར་ཤེས་པ།
iiif viewer powered by OpenSeadragon
