| e-texts navigator |
| Wylie |
178a1 པར་གསུང་རབ་ཡན་ལག་དགུ་ལས་ངེས་པར་བསྟན་ན། གང་ཟག་ཏུ་ལྟ་བར་ཇི་ལྟར་མི་འགྱུར་ལགས། བདག་གིས་ཐོས་པ་བཞིན་དུ་ཇི་ལྟར་གཟུང་བར་བགྱི། དེ་ལྟར
178a2 ན་ནི་མིའི་ཆོས་ལས་བླ་མར་ཡང་འགྱུར་ལགས་སོ།། བཀའ་སྩལ་པ། ཇི་ལྟར་རྒྱ་མཚོའི་ནང་ན་རིན་པོ་ཆེ་ཡོན་ཏན་བརྒྱད་དང་ལྡན་པ་སྣ་ཚོགས་མེད་དོ་ཞེས་སྨྲས་པ་དེ་བཞིན་དུ། གསུང་རབ་ཡན
178a3 ལག་དགུ་ཤིན་ཏུ་རྒྱས་པའི་ཡེ་ཤེས་ཀྱི་རྒྱ་མཚོ་ཆེན་པོ་ལ་སངས་རྒྱས་ཀྱི་ཁམས་མེད་དོ་ཞེས་ཟེར་བའང་དེ་དང་འདྲ་སྟེ། སངས་རྒྱས་ཀྱི་གསུང་འདི་ནི་དེ་དག་གི་ཡུལ་མ་ཡིན་ལ། སངས་རྒྱས་ཀྱི
178a4 གསུང་ནི་སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་ཡོད་དོ་ཞེས་བྱ་བའི་གཏན་ཚིགས་དང་། རྟགས་རྣམས་ཀྱི་སྒོ་ནས་ཉན་ཐོས་དང་རང་སངས་རྒྱས་ཐམས་ཅད་ཀྱི་ཡུལ་ཡང་མ
178a5 ཡིན་པར་མངོན་ནོ།། ཐེག་པ་ཆེན་པོ་ལས་ནི་བདག་དང་། སྲོག་བཤིག་པའང་མེད་དེ། དེ་བས་ན་སངས་རྒྱས་ནི་དབུ་མའི་ལམ་ཞེས་བྱའོ།། གང་དག་བདག་གི་ལུས་ལ་སངས་རྒྱས་ཀྱི
178a6 ཁམས་ཡོད་དེ། བདག་གིས་སངས་རྒྱས་ཐོབ་པར་འགྱུར་མོད་ཀྱི།། ཉོན་མོངས་པ་ཟད་པར་བྱ་དགོས་སོ་ཞེས་དེ་སྐད་ཟེར་བ་དེ་དག་ནི་ངའི་ཉན་ཐོས་ཡིན་ནོ།། ཅིག་ཤོས་ནི་མིའི་ཆོས་ལས
178a7 བླ་མར་གྱུར་པའི་ཉེས་པ་བྱང་བ་ཡིན་ནོ་ཞེས་ང་ཟེར་རོ།། ངས་དེ་སྐད་ཅེས་བསྟན་པའི་ཕྱིར། འདི་སྐད་ཅེས་ཟེར་ཏེ། བཅོམ་ལྡན་འདས་ཀྱི་དམ་པའི་ཆོས་ཐོབ་པར་འགྱུར་བའི་སངས་རྒྱས
iiif viewer powered by OpenSeadragon
