| e-texts navigator |
| Wylie |
177a1 རྣམས་མེད་བཞིན་དུ། གལ་ཏེ་འགལ་བར་བྱས་པས། དགེ་སློང་དག་སེམས་ཅན་དམྱལ་བར་འགྲོ་བར་འགྱུར་ན། དེ་དག་ནི་མུ་སྟེགས་ཅན་ཡིན་ནོ།། གང་དག་ལ་དེ།
177a2 རྣམས་མེད་ན་དེ་ལྟ་ན་ནི་མཐོ་རིས་སུ་འགྲོ་བར་འགྲོ་བར་འགྱུར་རོ།། བཅོམ་ལྡན་འདས་ཀྱིས་བསྡིགས་པའི་ཕྱིར་འདུལ་བ་ལས་བསླབ་པའི་གཞི་རྣམས་བཀའ་སྩལ་ཏོ།། མི་ཚངས་པར་སྤྱོད་པ
177a3 བསྟེན་པར་འདོད་པ་གང་ཡིན་པ་དེ་ནི། གོས་ཚོན་ཅན་དང་ཆོས་གོས་སྤངས་ཏེ་གོས་དཀར་པོ་བགོས་ནས། དེ་ལྟ་བུ་བྱས་པའི་འོག་ཏུ་དེ་བདག་ཉིད་ཀྱིས་བསམས་པ། བདག་གིས་ནི་རང་གི
177a4 ཡོན་ཏན་ཆུང་བའི་ཕྱིར་མནོག་ཆུང་བའི་འདོད་པ་བསྟེན་གྱིས་མེད་དོ།། འོན་ཀྱང་བཅོམ་ལྡན་འདས་བཞུགས་པའི་ཚེའང་དགེ་སློང་དག་གིས་འདོད་པ་རྣམས་བསྟན་ནས་མཐོ་རིས་དང་། ཐར་པ་ཐོབ་པར
177a5 འགྱུར་ན། ཅི་བདག་ཆོས་ཉིད་ལ་ཞུགས་པ་ཡིན་ནམ། འདི་ནི་གནས་ནས་ལུགས་ཀྱིས་ཡོད་པ་ཁོ་ནའོ་སྙམ་དུ་དེ་ལྟར་སྒོམ་པའི་དགེ་སློང་ནི་ཕམ་པ་བྱུང་དུ་ཟིན་ཀྱང་། ཐར་པ་ཐོབ་པར་འགྱུར་རོ།།
177a6 བསླབ་པའི་གཞི་ལྔ་ལས་འགལ་བར་བྱས་པ་དང་། རུང་བ་མ་ཡིན་པ་ཐམས་ཅད་ཡོངས་སུ་བཟུང་བ་ཡང་དེ་དང་འདྲའོ།། དེ་བཞིན་གཤེགས་པས་ཉེས་བྱས་ཀྱི་ཉེས་པ་བྱུང་བས་ཀྱང་། སུམ
177a7 ཅུ་རྩ་གསུམ་པའི་ལྷ་རྣམས་ཀྱི་ལོ་གྲངས་པས་ཀྱང་ལྷག་པར་ལོ་བརྒྱད་ཁྲིའི་བར་དུ་སེམས་ཅན་དམྱལ་བར་བཅོས་པར་འགྱུར་རོ་ཞེས་གསུང་མོད་ཀྱི། དེའང་སྡིགས་པར་ཟད་དོ།། ཕམ་པ་ལས་ན
iiif viewer powered by OpenSeadragon
