| e-texts navigator |
| Wylie |
175b1 མ་བྱེད་ཅིག། ཆེ་འདོད་པ་ནི་སངས་རྒྱས་ཀྱིས་སྨད་ངོ་།། ཅང་མི་སྨྲ་བ་ནི་སངས་རྒྱས་ཀྱིས་བསྔགས་སོ།། བདག་ནི་ཇི་སྲིད་འཚོའི་བར་དུའང་ཆོས་འདི་ལྟ་བུ་ལ་དགའ་བ་མ་ཡིན་གྱིས།
175b2 འདི་ལྟར་བདག་ཆེ་འདོད་པ་ལ་གཞག་པར་མ་བྱེད་ཅིག། བདག་ནི་འབྲས་བུ་ཐོབ་པ་མ་ཡིན་པར་བདག་ཉིད་ཀྱིས་ཤེས་མོ་ཞེས་ཟེར་བ་དང་། རྒྱལ་པོ་ཤེས་རབ་ཅན་གྱིས་བཙུན་པ་འདི་ནི་འབྲས
175b3 བུ་ཐོབ་པ་སྟེ། སངས་རྒྱས་ཡིན་ནོ་སྙམ་ནས་འཇིག་རྟེན་ཐམས་ཅད་དུ་མཁས་པ་རྣམས་ཀྱི་ནང་དུ་སྒྲོགས་པར་བྱེད་ཅིང་། བཙུན་མོ་འཁོར་དང་སྲས་རྣམས་ལའང་སྙན་སྔགས་བཞིན་དུ
175b4 མདོ་རྣམས་སློབ་ཏུ་འཇུག་སྟེ། དེ་ལྟར་བྱས་ནའང་སྟོན་པར་བྱེད་པའི་རྒྱལ་པོ་དང་། བློན་པོ་རྣམས་ལ་བསོད་ནམས་མང་དུ་འཕེལ་བར་འགྱུར་རོ།། དགེ་སློང་དེ་ནི་ཚངས་པར་སྤྱོད་པ་ཚུལ
175b5 ཁྲིམས་དང་ལྡན་པ་ཙམ་དུ་ཟད་དེ། དགེ་སློང་དེའང་བམ་པ་བྱུང་བ་མ་ཡིན་ནོ་ཞེས་ང་ཟེར་རོ།། མིའི་ཆོས་ལས་བླ་མར་གྱུར་པ་བྱེད་པ་མ་ཡིན་ཏེ། ཚུལ་ཁྲིམས་དང་ལྡན་པ། འདོད་པ་ཉུང་བ
175b6 ཞེས་ང་ཟེར་རོ།། དེ་ལྟར་སྟོན་དུ་ཟིན་ཀྱང་། རང་གི་དྲད་པའི་སེམས་དང་བས་ན་སངས་རྒྱས་ཀྱི་གསུང་རབ་དང་མཐུན་པར་བྱེད་པའི་དགེ་སློང་ལ་ནི་ཉེས་པ་ཅུང་ཟད་ཀྱང་མེད་དོ་ཞེསང་ཟེར་རོ།།
175b7 གཞན་ཡང་འདི་ན་དགེ་སློང་ལ་ལ་དེ་བཞིན་གཤེགས་པའི་སྙིང་པོའི་མདོ་སྡེ་ཆེན་པོ་སྟོན་པར་བྱེད་དེ། སེམས་ཅན་ཐམས་ཅད་ལ་ནི་སངས་རྒྱས་ཀྱི་ཁམས་ཡོད་ལ། ཁམས་དེ་རང་རང་གི་ལུས་ལ།
iiif viewer powered by OpenSeadragon
