| e-texts navigator |
| Wylie |
160a1 ལམ། གལ་ཏེ་གསར་བུ་ལ་ཕྱག་བགྱི་འཚལ་བར་གྱུར་ན་ནི། དེ་ལྟར་ན་རྒན་པོ་དེ་ཚུལ་ཁྲིམས་དང་ལྡན་པའི་དགེ་སློང་མ་ལགས་པར་འགྱུར་ལགས་སོ།། གཞན་ཡང་།
160a2 གླེང་འཚལ་བ་མཆིས་ཏེ། གལ་ཏེ་དགེ་སློང་རྒན་པོ་ནི་ཚུལ་ཁྲིམས་འཆལ་པ་ལགས། གསར་བུ་ནི་ཚུལ་ཁྲིམས་དང་ལྡན་པ་ལགས་ལ། དེ་ལས་ཆོས་ཀྱི་དེ་ཁོ་ན་ཉིད་རྟོགས་པར་འགྱུར་ན། ཅི
160a3 ལགས། གསར་བུས་གློ་བར་ཆུང་བཞིན་དུ་རྒན་པོ་ཚུལ་ཁྲིམས་འཆལ་པ་ལ་ཕྱག་བགྱི་འཚལ་ལམ། གཞན་ཡང་གླེང་འཚལ་བ་མཆིས་ཏེ། ཅི་ལགས། ཁྱིམ་ན་གནས་པ་ལས
160a4 ཆོས་རྟོགས་པར་འགྱུར་ནའང་། ཁྱིམ་ན་གནས་པ་ལ་ཕྱག་བགྱི་འཚལ་ལམ། ཧ་ཅང་ཞེ་ས་ཆེར་བགྱི་བར་མི་རིགས་ལགས་སོ།། ཁྱིམ་ན་གནས་པ་རྣམས་ནི་རབ་ཏུ་བྱུང་བའི་མཆོད་པའི
160a5 འོས་དང་ཡོན་གནས་མ་ལགས་སོ།། བསྟན་པ་འདི་ལ་ནི་གཞོན་ནུས་རྒན་པོ་རྣམས་ལ་མཆོད་པ་བགྱི་བའི་འོ་ས་ལགས་སོ།། རྒན་པོ་མཆོད་པའི་འོས་ཞེས་བགྱི་བ་ནི་བསྙེན་པར་རྫོགས་པ
160a6 འདུལ་བ་དང་། ཆོ་ག་དང་། སྤྱོད་ཡུལ་ལ་གནས་པ་ལགས་ལ། བཅོམ་ལྡན་འདས་ཀྱིས་ཀྱང་ཚུལ་ཁྲིམས་འཆལ་པ་རྣམས་ནི་ཞིང་གི་ནང་ན་ཞིང་གི་རྡོ་དང་འདྲའོ་ཞེས་གསུངས་ན་ད་ནི།། རྒན།
160a7 ནམ་ཡང་ན་གཞོན་ཡང་རུང་།། གང་ལས་ཆོས་ནི་རྟོགས་འགྱུར་བ།། དབང་ཆེན་ལྷ་ལ་བྱ་བ་བཞིན།། དེ་ལ་བཀུར་སྟི་ཕྱག་ཀྱང་བྱ།། ཞེས་ཀྱང་གསུང་ངམ། ཚིག་གི་དོན་འདི་གཉིས།
iiif viewer powered by OpenSeadragon
