| e-texts navigator |
| Wylie |
151a1 ཞུགས་པ་དང་། ལན་ཅིག་ཕྱིར་འོང་བ་ཞེས་བྱ་བ་ནི། གང་ཐོབ་ནས་དམ་པའི་ཆོས་འདྲི་བ་དང་། འཆང་བ་དང་། འབྲལ་བར་འགྱུར་མི་སྲིད་པ་དང་། གཞན་དག
151a2 ལའང་སངས་རྒྱས་ཀྱིས་གསུངས་པ་མ་ཡིན་པ་རང་བཟོའི་ཚིག་དང་། ཡི་གེ་སྣ་ཚོགས་དང་། བྲན་དང་བྲན་མོ་ཡོངས་སུ་འཛིན་པ་སྟོན་མི་སྲི་པ་སྟེ། རྒྱུན་དུ་ཞུགས་པ་དང་། ལན་ཅིག་ཕྱིར་འོང་བའི
151a3 གྲངས་སུ་ནི་གཏོགས་མོད་ཀྱིས། རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་ནི་མ་ཡིན་ནོ།། དེ་ལྟར་ས་དང་པོ་དང་། གཉིས་པ་དང་། གསུམ་པ་ཐོབ་པའི་བྱང་ཆུབ་སེམས་དཔའ་སེམས
151a4 དཔའ་ཆེན་པོ་ནི་མངོན་སུམ་དུ་ལུང་བསྟན་པས། སངས་རྒྱས་ཀྱི་གནས་སུ་སངས་རྒྱས་སུ་འགྱུར་བ་ལུང་བསྟན་ཏོ།། ཕྱིར་མི་འོང་བ་ཞེས་བྱ་ནི་ཆོས་དེ་ཐོབ་ནས། འབྲལ་མི་སྲིད་པ་དང་། གཞན
151a5 ངག་ལའང་སངས་རྒྱས་ཀྱི་ས་གསུངས་པ་མ་ཡིན་པ། རུང་བ་མ་ཡིན་པ། རུང་བ་མ་ཡིན་པའི་མདོ་རང་བཟོ་སྣ་ཚོགས་ཀྱི་ཚིག་དང་། ཡི་གེ་དང་། བྲན་དང་། བྲན་མོ་ལ་སོགས་པ་ཡོངས
151a6 སུ་འཛིན་པ་སྟོན་མི་སྲིད་པ་དང་། གློ་བུར་གྱི་ཉེ་བའི་ཉོན་མོངས་པ་རྣམས་ཀྱིས་དེ་ལ་གནོད་པར་འགྱུར་མི་སྲིད་པ་དང་། ནང་གི་ཉོན་མོངས་པ་རྣམས་ཀྱིས་དེ་ལ་གནོད་པར་འགྱུར་མི་སྲིད་པ་དང་། དེ་བཞིན
151a7 གཤེགས་པའི་ཁམས་བཅབས་ཏེ། ཆོས་སྟོན་མི་སྲིད་པ་དང་། ཁམས་བཞིའི་སྦྲུལ་གདུག་པ་ལ་རྟེན་པའི་གློ་བུར་གྱི་ནད་རྣམས་ཀྱིས་དེ་ལ་གནོད་པ་བྱེད་པར་འགྱུར་མི་སྲིད་པ་དང་། བདག་ཏུ་སྨྲ
iiif viewer powered by OpenSeadragon
