| e-texts navigator |
| Wylie |
149a1 ཀྱི་དེ་ཁོ་ན་ཉིད་དུ་རིག་པར་བྱའོ།། གསོལ་པ། ཅིའི་སླད་དུ་དེ་བཞིན་གཤེགས་པ་རྣམ་གཉིས་སུ་སྟོན་ལགས། བཀའ་སྩལ་པ། རིགས་ཀྱི་བུ་གཞན་ཡང་དཔེར་ན་མི
149a2 ལ་ལ་ཞིག་རལ་གྲི་ཐོགས་ནས་དེས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསད་དོ་སྙམ་སྟེ། གསོད་པར་བྱེད་ལ། དེ་བཞིན་གཤེགས་པ་ནི་ལོག་པ་ཅུང་ཟད་ཀྱང་མི
149a3 མཛད་དེ། ཞུམ་པ་མེད་ཅིང་དགྱེས་བཞིན་དུ་བཞུགས་ན། ཅི་མི་དེ་མཚམས་མེད་པ་བྱེད་པ་ཞེས་བྱ་བམ། འོན་ཏེ་མི་བྱ། གསོལ་པ། དངོས་པོའི་སྒོ་ནས་མཚམས་མེད་པ་བགྱིད་པ་ཞེས
149a4 མི་བགྱི་ལགས་སོ།། དེ་ཅིའི་སླད་དུ་ཞེ་ན། བསགས་པའི་ཁམས་མ་བཤིག་པས་ན། དངོས་པོའི་སྒོ་ནས་མཚམས་མེད་པ་བགྱིད་པ་མ་ལགས། དེ་བཞིན་གཤེགས་པའི་སྐུ་ལ་ནི་བསགྲ
149a5 པའི་ཁམས་ཀྱི་བག་ཀྱང་མ་མཆིས་ཏེ། ཆོས་ཀྱིས་ཁམས་ལགས་ན། ཇི་ལྟར་བཀྲོངས་སུ་རུང་། དེ་བས་ན་སེམས་བསྐྱེད་པ་དང་བ་སྤྲུལ་པ་ཙམ་ལས། མཚམས་མེད་པར་བགྱི་བ་བགྱིད
149a6 པ་ཞེས་བགྱི་སྟེ། འདིར་རྒྱུའི་དབང་གིས་ཆོས་ཀྱི་དེ་ཁོ་ན་ཉིད་རིག་པར་བགྱི་བ་ལགས་སོ།། བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ།། ངས་ཀྱང་ཚིག་དེ་སྐད་དུ་སྨྲ་བར་བསམས
149a7 སོ།། རིགས་ཀྱི་བུ་གཞན་ཡང་འདི་ན་མི་སྡིག་ཅན་ལ་ལ་ཞིག་བདག་གི་ས་མ་བསད་དོ་སྙམ་ནས། དགོན་པ་ཞིག་ན་ཁྲེ་རྒོད་དང་སྲན་རུང་གི་གཡུལ་དུ་བྱར་བྱས་ནས། མ་དེར་འོངས་པ་དང་། ཁྱོད་ཀྱིས
iiif viewer powered by OpenSeadragon
