| e-texts navigator |
| Wylie |
148a1 མཆོག་ཏུ་བདེ་བའི་རྣམ་པ་མང་བ་གང་ཡིན་པ་སྟེ། དེ་ནི་ཡོངས་སུ་མྱ་ངན་ལས་འདས་པ་ཡིན་ནོ།། དེ་ནི་ཐར་པ་ཡིན་ནོ།། མཆོག་ཏུ་བརྟན་པ་དང་། མི་གཡོ་བ་དང
148a2 བདེ་བ་དང་། རྟག་པ་མྱོང་བ་གང་ཡིན་པ་དེ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། དེ་ནས་བཅོམ་ལྡན་འདས་ལ། འོད་སྲུངས་ཆེན་པོ་དང་རུས་གཅིག
148a3 པས་འདི་སྐད་ཅེས་གསོལ་ཏོ།། མ་སྐྱེས་པ་དང་། མ་བྱུང་བ་གང་ལགས་པ་དེ་ཐར་པ་ལགས། དེ་དེ་བཞིན་གཤེགས་པ་ལགས་ཞེས་བགྱི་འམ། བཅོམ་ལྡན་འདས་ཀྱིས་བཀའ་སྩལ་པ
148a4 རིགས་ཀྱི་བུ་དེ་ལྟ་ལོས་ཀྱང་སྟེ། དོ་ནི་ཐར་པ་ཡིན་ནོ།། དེ་ནི་དེ་བཞིན་གཤེགས་པ་ཡིན་ནོ།། གསོལ་པ། འོ་ན་ནམ་མཁའི་ཁམས་ཀྱང་མ་སྐྱེས་པ། མ་བྱུང་བ་ལགས་ན། ཐར
148a5 པའང་དེ་དང་འདྲ། དེ་བཞིན་གཤེགས་པའང་དེ་དང་འདྲ་ཞེས་བགྱི་འམ། བཀའ་སྩལ་པ། དེ་ལྟ་མ་ཡིན་ཏེ། ཐར་པ་ནི་ནམ་མཁའི་ཁམས་དང་འདྲ་བ་མ་ཡིན་ནོ།། གསོལ་པ། འོ་ན་ཇི
148a6 ལྟ་བུ་ལགས་བཀའ་སྩལ་པ། རིགས་ཀྱི་བུ་དཔེར་ན་བྱ་ཤྲང་ཤང་ཏེའུའམ། ཀཱ་ལ་བིངྒ་གང་གི་ཚེ་སྐད་འབྱིན་པ་དེའི་ཚེ། ཁྭ་ལྟར་སྐད་འབྱིན་ཅེས་བྱ་བ་འམ། གསོལ་པ། བཅོམ
148a7 ལྡན་འདས་དེ་ནི་མ་ལགས་ཏེ། བྱ་གཞན་རྣམས་ཀྱི་སྐད་ནི། དེ་དག་གི་སྐད་ཀྱི་དཔེར་ཡང་མི་རུང་ལགས་སོ།། ཁྭའི་སྐད་ནི། ཤང་ཤང་ཏེའུ་དང་། ཀ་ལ་བིངྐའི་སྐད་ཀྱི་བརྒྱའི་ཆར་ཡང་མི་སྤྱོད།
iiif viewer powered by OpenSeadragon
