| e-texts navigator |
| Wylie |
147a1 རྒྱུའི་སྒོ་ནས་གཞག་པ་ཙམ་དུ་ཟད་དོ།། ཐར་པ་ནི་བྱས་པ་མ་ཡིན་པའི་ཕྱིར་ཆག་པར་མི་འགྱུར་ལ། ཐར་པ་གང་ཡིན་པ་དེ་ནི་བཅོས་མ་མ་ཡིན་པའི་ཁམས་ཡིན་ཏེ། དེ་ནི་དེ་བཞིན
147a2 གཤེགས་པའོ།། སྲེད་པ་ཟད་པ་སྲེད་བ་ཟད་པ་ཞེས་བྱ་བ་ནི། སངས་རྒྱས་སུ་གྱུར་པའི་མོད་ལ་བདག་དབང་པོར་གྱུར་ཅིག་ཅེ་འམ། དབང་ཕྱུག་ཆེན་པོ་འམ། མི་མཇེད་ཀྱི་བདག་པོ་ཚངས་པར་གྱུར་ཅིག
147a3 ཅེས་བྱ་བའི་སྲེད་པ་དང་འདོད་པ་གཞན་དེ་ན་མེད་དེ། ཡོད་ཅེས་བྱ་བ་འམ་སྐྱེ་བར་འགྱུར་ཞེས་བྱ་བ་ནི་མི་སྲིད་དོ།། སྲེད་པ་ཟད་པ་གང་ཡིན་པ་དེ་ནི་སངས་རྒྱས་སོ།། དེ་ནི་ཐར་པའོ།། ཐར་པ་གང་ཡིན་པ་དེ།།
147a4 ནི་དེ་བཞིན་གཤེགས་པའོ།། འདོད་ཆགས་དང་བྲལ་བ་འགོག་པ་འདོད་ཆགས་དང་བྲལ་བ་འགོག་པ་ཞེས་བྱ་བ་ནི། སྲིད་པ་ཐམས་ཅད་ལ་ཞེན་པ་དང་འདོད་པ་མ་ལུས་པ། ལུས་མེད་པ། ལྷག
147a5 པྲ་མེད་པ། ཐམས་ཅད་ལས་འདོད་ཆགས་དང་བྲལ་བ་རྣམས་གཏན་དུ་རབ་ཏུ་ཞི་བར་གྱུར་པ་ནི་ཐར་པ་ཡིན་ཏོ།། འཆིང་བ་ཐམས་ཅད་འགོག་པའོ།། དེ་ལྟར་འགོག་པ་གང
147a6 ཡིན་པ་དེ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། མྱ་ངན་ལས་འདས་པ་མྱ་ངན་ལས་འདས་པ་ཞེས་བྱ་བ་ནི། ཇི་ལྟར་རི་དགས་ཀྱི་ཁྱུ་རྔོན་པའི་ལག་ནས་ཤོར་བ་འཆི་བས་འཇིགས
147a7 ཤིང་སྐྲག་ནས་ཐབས་ཅི་ཡོད་པས་རྒྱུག་ཅིང་། དྲང་སྲོང་གི་གནས་སུ་ཕྱིན་ནས་བདེ་བར་འགྱུར་ཞིང་དབུགས་བྱིན་པར་འགྱུར་བ་དེ་བཞིན་དུ། ཇི་ལྟར་དབུགས་ཕྱིན་ཅིང་བདེ་བར་འགྱུར་བ་དེ་ལྟ་བུར། སེམས
iiif viewer powered by OpenSeadragon
