| e-texts navigator |
| Wylie |
145b1 ཐར་པ་ནི་དེ་ལྟ་མ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ངེས་པ་ངེས་པ་ཞེས་བྱ་བ་ནི། ཇི་ལྟར་འཛམ་བུ་ཆུ་བོའི་གསེར་སྐྱོན་མེད་ཅིང་། ཐམས་ཅད་དུ་ལས་སུ་རུང་བ་བཞིན་དུ
145b2 ཐར་པའང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཐར་པ་ནི་བྱིས་པའི་སྤྱོད་པ་ལྟ་བུ་མ་ཡིན་ནོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཤིན་ཏུ་སྦྱང
145b3 བ་ཤིན་ཏུ་སྦྱངས་པ་ཞེས་བྱ་བ་ནི། ཇི་ལྟར་རྒྱལ་སྲིད་ཀྱི་དབང་ཕྱུག་ཐོབ་ནས། མཐུ་ཆེ་ཞིང་བག་ཡངས་སུ་འདུག་པ་བཞིན་དུ། ཕུང་པོ་ཡོངས་སུ་སྤངས་པ་ནི་ཐར་པ་ཡིན་ནོ།། ཐར་པ་གང་ཡིན་པ་དེ་ནི
145b4 དེ་བཞིན་གཤེགས་པའོ།། མཐར་ཐུག་པ་མཐར་ཐུག་པ་ཞེས་བྱ་བ་ནི། ཉོན་མོངས་པ་མི་གཙང་བ་ཟད་པ་སྟེ། ཐར་པ་ནི་རྒྱལ་པོའི་བཙོན་ར་ནས་ཕྱིན་པའི་མི་དང་འདྲའོ།། ཐར་པ་གང་ཡིན་པ་དེ་ནི་དེ
145b5 བཞིན་གཤེགས་པ་སྟེ། བཅོས་མཱ་མ་ཡིན་པའི་བདེ་བའོ།། འདོད་ཆགས་དང་ཞེ་སྡང་དང་། གཏི་མུག་སྤོང་བ། འདོད་ཆགས་དང་ཞེ་སྡང་དང་གཏི་མུག་སྤོང་བ་ཞེས་བྱ་བ་ནི་གསུམ་གྱིས་བཏང་།
145b6 བ་སྟེ། ཇི་ལྟར་མི་སྦྲུལ་གདུག་པས་ཟིན་པས། བདག་ཉིད་སོས་པར་བྱ་བའི་ཕྱིར་བད་ཀན་སྐྱུག་པར་བྱེད་པ་བཞིན་དུ་ཉོན་མོངས་པའི་བད་ཀན་ཟད་པ་ནི་ཐར་པའོ།། ཐར་པ་གང་ཡིན་པ་དེ་ནི་དེ
145b7 བཞིན་གཤེགས་པའོ།། ཉོན་མོངས་པ་སྤོང་བ་ཉོན་མོངས་པ་སྤོང་བ་ཞེས་བྱ་བ་ནི། སྦྲུལ་གདུག་པ་འདྲ་བའི་ཉོན་མོངས་པ་ཟད་པ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།།
iiif viewer powered by OpenSeadragon
