| e-texts navigator |
| Wylie |
134a1 ཕྱིར་ཞེ་ན། རིགས་ཀྱི་བུ་དཔེར་ན་འདི་ན་མི་ལ་ལ་ཞིག་གདུག་པའི་ཟུག་རྔུས་ཕོག་སྟེ། བ་བ་རྡོའི་གནོད་པས་ཐེབས་ནས། བབ་རྡོའི་གནོད་པས་ཐེབས་པའི་མི་དེ་ཟུག་རྔུ་འབྱིན་པའི
134a2 སྨན་པ་ཆེན་པོ་ཞིག་གིས་གསོས་ཏེ། གདུག་པའི་ཟུག་རྔུབསལ་ནས་བདེ་བར་བྱས་ཏེ། དེ་གནོད་པར་སྔ་མ་ཁོ་ན་བཞིན་དུ་བྱས་ནས། སྨན་པ་དེས་མི་ད་བོར་ཏེ། ཡུལ་གཞན་ནམ། གྲོང་གཞན
134a3 ནམ། ཁྱིམ་གཞན་གང་ན་རྨས་པ་ཡོད་པ་དང་། གང་ན་རྨའི་ལས་བྱར་ཡོད་པ་དེ་ན་གནས་པ་དེ་བཞིན་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་པ་ཆེན་པོ
134a4 ཟུག་རྔུ་འབྱིན་པས་ཀྱང་། འཛམ་བུ་གླིང་པའི་སེམས་ཅན་བསྐལ་པ་བྱེ་བ་ཕྲག་གྲངས་མེད་པ་ཚུན་ཆད་ནས། འདོད་ཆགས་དང་།། ཞེ་སྡང་དང་། གཏི་མུག་ལ་སོགས་པ་ཉོན་མོངས་པའི་དུག་གི་ས་ཕོག
134a5 པའི་སེམས་ཅན་ཤིན་ཏུ་རྨས་པ་ཐམས་ཅད་ཀྱི་ཟུག་རྔུ་རྣམས་ཐེག་པ་ཆེན་པོའི་མདོའི་སྡེ་ཚན་སྣ་ཚོགས་ཀྱི་དགེ་བའི་རྩ་བའི་སྨན་རྣམས་ཀྱིས་གསོ་བར་མཛད་དོ།། གསོས་ནས་ཀྱང་དེ་རྣམས་མྱ་ངན་ལས་འདས་ཏེ།
134a6 གང་ནས་སེམས་ཅན་རྨས་པ་རྣམས་ཡོད་པ་དེར། བཅོམ་ལྡན་འདས་ཡང་དག་པར་སྣང་བར་འགྱུར་རོ།། དེ་བས་ན་མྱ་ངན་ལས་འདས་པ་ཆེན་པོ་ནི། ཡང་དག་པའི་དོན་ལ་རྟོག་པ་ཡིན་ནོ།། ཡོངས་སུ
134a7 མྱ་ངན་ལས་འདས་པ་ཆེན་པོ་ཞེས་བྱ་བ་ནི་སྲིད་པ་ཐམས་ཅད་ན་ཐར་པའི་གྲོང་ཁྱེར་གྱི་ཚིག་བླ་དག་ས་ཡིན་ཏེ། གང་ལ་གདུལ་བར་བྱ་བ་རྣམས་ཡོད་པ་དེར་རྫོགས་པར་སངས་རྒྱས་པའི་སྣང་བ་འདི་ནི་ཚིག་གྲགས།
iiif viewer powered by OpenSeadragon
