| e-texts navigator |
| Wylie |
133b1 བསྟན་པ་ག་ལ་ཡོད། གསང་བ་གང་ཡིན་པ་དེ་ནི་ཡོངས་སུ་བསགས་པའོ།། རྗེས་བཅད་དུ་མེད་པ་ནི་མི་གཡོ་བའི་བདེ་བ་སྟེ། མྱ་ངན་ལས་འདས་པའི་དོན་ཏོ།། དེ་ལ་ནི་ནམ་མཁའ་ཡང་མེད། ལོ་དང
133b2 ཉི་མ་དང་། ཟླབ་རྣམས་ཀྱིས་ཀྱང་བྱར་མེད། མཇུག་རིངས་དང་། སྐར་མའི་ཚོགས་རྣམས་དང་། རི་རྣམས་དང་། དུས་དང་། སྤྲིན་རྣམས་ཀྱང་མེད་དེ། སྐྱེ་བའི་རྒྱུན་ཆད་པ། འཆི་བ་དང་། ན་བ་དང་།
133b3 རྒ་བ་དང་། སྲིད་པ་ཉི་ཤུ་རྩ་ལྔ་སྤངས་པ། སྡུག་བསྔལ་གྱི་རྣམ་པ་དང་། ཉོན་མོངས་པ་དང་བྲལ་བ་སྟེ། དེ་བཞིན་གཤེགས་པ་རྟག་པ་དང་། བརྟན་པ་དང་། བདེ་བ་དང་། མི་གཡོ་བ་དང་། གནས
133b4 མེད་པ་ནི་ཡོངས་སུ་མྱ་ངན་ལས་འདས་པ་སྟེ། དེར་འགྲོ་བའི་ཕྱིར་དེང་དེ་བཞིན་གཤེགས་པ་གྲོང་ཁྱེར་ཆེན་པོར་གཤེགས་སོ།། ཆེན་པོ་ཞེས་བྱ་བ་དང་། ཆེ་བ་ཞེས་བྱ་བ་ནི་དོན་གཅིག་གོ།། ཆེན་པོ་ཞེས་བྱ་བ་ནི།
133b5 ལྷག་མ་དང་བཅས་པའི་ཚིག་བླ་དྭགས་ཏེ། འདི་ན་མི་ལ་ལ་ཚེ་དཔག་མེད་པར་གྱུར་ན། མི་དེ་སྐྱེས་བུ་ཆེན་པོ་ཞེས་བྱ་བའི་གྲངས་སུ་གཏོགས་ཏེ། གལ་ཏེ་ཆོས་དང་ལྡན་ན། མི་དེ་སྐྱེས་བུ་ཐམས་ཅད་ཀྱི་མཆོག
133b6 ཡིན་ནོ།། ཡང་འདིར་སྐྱེས་བུ་ཆེན་པོའི་རྣམ་པར་རྟོག་པ་བརྒྱད་ཀྱིས་སྐྱེས་བུ་གཅིག་པུར་ཏེ། སྐྱེས་བུ་ཆེན་པོ་དུ་མ་ཡོད་པའི་ནང་ན། གང་ལ་སྐྱེས་བུ་ཆེན་པོའི་རྣམ་པར་རྟོག་པ་བརྒྱད་ཡོད་པ་དེ་ནི་སྐྱེས་བུ་ཆེན་པོ
133b7 ཐམས་ཅད་ཀྱི་ནང་ནའང་སྐྱེས་བུ་ཆེན་པོའོ་ཞེས་ངས་བཤད་པས་ན་དེའི་ཕྱིར་ཆེ་བ་ཞེས་བྱའོ།། ལྷག་མ་དང་བཅས་པའི་མྱ་ངན་ལས་འདྲ་བ་ཞེས་བྱ་བ་ལ། གང་ལ་སྨན་བྱེད་པ་དེ་ནི་མྱ་ངན་ལས་འདས་པའོ།། དེ་ཅིའི
iiif viewer powered by OpenSeadragon
