| e-texts navigator |
| Wylie |
132b1 འདྲ་བར་རང་གི་སྲས་ཚར་ཕྱིན་པར་མཛད་དེ། དེ་ལྟར་ན་རིག་པ་ཐམས་ཅད་ཚར་ཕྱིན་པར་བྱེད་པ་བཞིན་དུ་ཚར་ཕྱིན་པར་བྱེད་དོ།། རིགས་ཀྱི་བུ་གཞན་ཡང་དཔེར་ན་དབྱར་གྱི་སྤྲིན་ཆེན་པོ་རྣམས་འབྲུག་ཀྱང་འདིར་རིརིན།
132b2 སྒྲོགས་ཤིང་ཆར་ཆེན་པོ་འབེབས་སུ་ཟིན་ཀྱང་། སེམས་ཅན་ཁ་ཅིག་གིས་ས་བོན་མ་སྐྱེས་ན། ཅི་དེ་ལ་སྤྲིན་ཆེན་པོ་རྣམས་ཀྱིས་ཉེས་སམ། ཅི་སྤྲིན་ཆེན་པོ་རྣམས་ཆར་མི་འབེབས་སམ། དེ་བཞིན་དུ
132b3 དྲང་ངས་ཡོངས་སུ་མྱ་ངན་ལས་འདས་པ་ཆེན་པོ་གསང་ཆེན་མ་ལུས་པར་བསྟན་ཀྱང་། སེམས་ཅན་སྣོད་དུ་མ་གྱུར་པ་གང་ཡིན་པ་དེ་དག་གིས་མི་ཐོས་སོ།། ཡང་བཀའ་སྩལ་པ། གང་དག་ལ
132b4 ནི་ཡོངས་བསགས་མེད།། གང་དག་གིས་ནི་ཟས་མི་རྟོགས།། མཁའ་ལ་བྱ་རྣམས་རྗེས་འདྲ་བ།། དེ་དག་རྗེས་བཅད་དཀའ་བ་ཡིན།། བསྟན་པ་འདིའི་དོན་ཇི་ལྟ་བུ་ཞེ་ན། སུ་དག་ལ་ནི་ཡོངས
132b5 བསགས་མེད།། སུ་དག་གི་ནི་ཟས་མི་རྟོགས།། གང་དག་གི་ནི་རྗེས་བཅད་དཀའ།། སུ་སོང་གང་དུ་སོང་བ་ན།། དེ་དག་རྗེས་བཅད་དཀའ་བ་ཡིན།། དེ་ལ་རིན་པོ་ཆེ་ལ་སོགས་པ་ནི་བསགས་པའོ།།
132b6 ལོངསུ་ཞེས་བྱ་བ་ནི་ཕྲད་ཀྱི་བྱེ་བྲག་གི་ཚིག་གོ།། ཡོངས་སུ་ཤེས་བྱ་བ་ནི་བསྡུས་པའི་དོན་ཏེ། འདིར་རྫས་བཟང་པོ་བསྒྲུབ་པའི་ཐ་ཚིག་གོ།། བསགས་པ་ཞེས་བྱ་བ་དང་། ནོར་ཞེས་བྱ་བ་ནི་དོན་གཅིག་གོ
132b7 གང་དག་ནོར་ཡོངས་སུ་བསགས་པར་བྱེད་པ་དེ་ནི། དེ་དག་གི་ཡོངས་སུ་བསོགས་ཞེས་བྱའོ།། དེ་ལ་ཡོངས་སུ་བསགས་པ་ཞེས་བྱ་བ་ནི་རྣམ་པ་གཉིས་ཏེ། འདུས་བྱས་ཡོངས་སུ་བསགས་པ་དང
iiif viewer powered by OpenSeadragon
