| e-texts navigator |
| Wylie |
132a1 སོ།། སྡང་བ་དང་། གཡོ་དང་། སེར་སྣ་དང་ལྡན་པ་གང་ཡིན་པ་དེ་ནི་གསང་བ་ཡིན་ཏེ། དེའི་སྟོབས་དང་བྱམས་པས་ཀྱང་། ཁྱིམ་བདག་བྲན་གཟའ་ཅན་དེ་སྟོན་པར་མི་བྱེད་པ།
132a2 དེ་བཞིན་དུ། ཁྱིམ་བདག་བྲན་གཟའ་ཅན་ལྟར་ང་སེམས་ཅན་ཐམས་ཅད་ལ་བུ་གཅིག་པའི་འདུ་ཤེས་བསྒོམ་པ་དང་ལྡན་མོད་ཀྱི། བྱིས་པ་དེ་དག་གིས་མི་བཟོད་པའི་ཕྱིར། ངདགོངས་པའི་ཚིག་མི་སྟོན
132a3 ཏྲེ། ངས་ཡི་གེ་ཕྱེད་པ་འདྲ་བར་ནི་གསུང་རབ་ཡན་ལག་དགུ་བསྟན་ཏོ།། བརྡ་སྤྲོང་བ་དང་འདྲ་བར་ནི། སྟོབས་བཅུ་དང་། འཕགས་པའི་བདེན་པ་བཞི་དང་། འཕགས་པའི་ལམ་ཡན་ལག་བརྒྱད་པ་དང་།
132a4 ཐེག་པ་ཆེན་པོ་ཤིན་ཏུ་རྒྱས་པའི་བརྡ་སྤྲོད་པར་བསྟན་ཏོ།། རིགས་ཀྱི་བུ་གཞན་ཡང་གང་གི་ཚེ་ཡི་གེ་ཕྱེད་པ་བསླབས་ནས། སྒྲ་རིག་པའི་འོས་སུ་གྱུར་པ་དེའི་ཚེ། ཁྱིམ་བདག་བྲན་གཟའ་ཅན་གྱི་གལ་ཏེ
132a5 བརྡ་སྤྲོད་པའི་དོན་སློབ་པར་མ་བྱེད་ན་ནི། དེ་ལྟར་ན་སེར་སྣ་བྱེད་པའི་ཕྱིར་གསང་བ་ཞེས་བྱའོ།། གལ་ཏེ་བརྡ་སྤྲོད་པའི་དོན་བསྟན་ན་ནི། བྱིས་པའི་བརྡ་སྤྲོད་པ་རྫོགས་པར་ལོབས་པར་འགྱུར་བ་དེ་བཞིན
132a6 དུ། ངའང་ཉན་ཐོས་རྣམས་ལ་ཇི་སྲིད་དུ་ཐེག་པ་ཆེན་པོའི་སྣོད་དུ་མ་གྱུར་པ་དེ་སྲིད་དུ་གསུང་རབ་ཡན་ལག་དགུ་སྟོན་ཏེ། གལ་ཏེ་ངས་སེམས་ཅན་སྣོད་དུ་གྱུར་པ་རྣམས་ལ་ཐེག་པ་ཆེན་པོ་བསླབ་པ་གསང་བར་བྱས
132a7 ན་ནི། དེ་ལྟར་ན་ང་ལ་བརྡ་སྤྲོད་པ་དང་འདྲ་བར་བྱས་སོ་ཞེས་སྨྲ་བའི་རིགས་སོ།། ད་ནི་ངས་བརྡ་སྤྲོད་པ་དང་འདྲ་བར་དེ་བཞིན་གཤེགས་པ་རྟག་པ་དང་བརྟན་པར་བསྟན་ཏེ། ཁྱིམ་བདག་བྲན་གཟའ་ཅན་དང
iiif viewer powered by OpenSeadragon
