| e-texts navigator |
| Wylie |
131b1 ནི་སྟོན་གྱི་ཟླ་བ་རྒྱས་པ་བཞིན་དུ་སྐྱོན་མེད་པ་དང་། མཚན་མས་མ་བཏབ་པ་དང་། རྨོངས་པ་མེད་པ་དང་། གསང་བ་དང་། གསང་ཆེན་དང་བྲལ་བ་དང་། གསལ་བ་ཡིན་ནོ།།
131b2 འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ་ལས་བམ་པོ་དྲུག་པ། རིགས་ཀྱི་བུ་དཔེར་ན་ཁྱིམ་བདག་བྲན་གཟའ་ཅན་ནོར་བྱེ་བ་བདོག་པ་ཞིག་ལ་ཅུ
131b3 གཅིག་པ་སྡུག་ཅིང་འཕངས་ལ། གཅེས་ཤིང་ཡིད་དུ་འོང་བ་ཞིག་ཡོད་དེ། དེས་བུ་དེ་ལ་བུའི་སློབ་དཔོན་ལས་ཕྱིར་བཀུག་ནས། བུ་ལ་བྱམས་པའི་ཕྱིར་བདག་ཉིད་ཀྱིས་བསྒྲིམས་ཏེ་ཡི་གེ་ཕྱེད་པ་སློབ་པར་བྱེདན།
131b4 དེས་བསྒྲིམས་ཏེ་ཡི་གེ་ཕྱེད་པ་བསླབས་སུ་ཟིན་ཀྱང་། ཅི་བརྡ་སྤྲོད་པའི་དོན་གྱི་བྱེ་བྲག་སྟོན་པར་ནུས་སམ། བསྟན་པར་ནུས་སུ་ཟིན་ཀྱང་། ཅི་དེས་ཡི་གེ་ཕྱེད་པ་བསླབས་པས། བརྡ་སྤྲོད་པའི་དོན་ཤེས
131b5 པར་འགྱུར་རམ། ཅི་ཁྱིམ་བདག་བྲན་གཟའ་ཅན་རང་གི་བུ་ལ་གསང་བར་བྱེད་དམ། གསོལ་པ། བཅོམ་ལྡན་འདས་དོན་མ་ལགས་ཏེ། བུའི་ཤེས་པའི་རྩལ་དང་། ཡིད་ནོ་རྟུལ་དེ་འདྲ་བ་དང་། ཤེས
131b6 པའི་རྩལ་དང་མི་ལྡན་པའི་རྒྱུས་ན། དེ་ལ་གསང་བ་དང་འདྲ་བར་གདའ་བར་འགྱུར་ལགས་སོ།། དེ་ལ་ཡིད་མི་བདེ་བ་དང་། གཡོ་དང་། སེར་སྣ་གང་ལགས་པ་དེ་ནི་གསང་བ་ལེགས་པར་རིག་པར་བགྱིས།
131b7 དད་པ་དང་དགའ་བས་བུ་གཅིག་པའི་འདུ་ཤེས་དང་ལྡན་པ་གང་ལགས་པ་དེ་ནི། གསང་བ་ཞེས་མི་བགྱི་ལགས་སོ།། བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ།། རིགས་ཀྱི་བུ་ཁྱོད་ལེགས
iiif viewer powered by OpenSeadragon
