| e-texts navigator |
| Wylie |
131a1 པ་དང་མར་མེའི་གནས་བཞིན་དུ་མཐར་ཐུག་པ་དང་ཟང་ཟིང་མེད་པ་ལ་དགའ་བ་ཡིན་ནོ།། ཕྱིར་མི་འོང་བའང་ཟང་ཟིང་མེད་པའི་དོན་ཡིན་པར་ངས་དགོངས་པའི་ཚིག་གིས་བསྟན་ཏེ
131a2 མྱ་ངན་ལས་འདས་པའི་གནས་ནི་མ་ཡིན་ནོ།། གསོལ་པ། ཕྱིར་མི་འོང་བ་ཞེས་བཀའ་སྩལ་པ་དེའི་དོན་ཅི་ལགས། བཀའ་སྩལ་པ། ཡང་སྲིད་པ་ལེན་པ་གང་ཡིན་པ་དེ་ནི་ཕྱིར་མི་འོང་བ་ཞེས་བྱའོ།།
131a3 གསོལ་པ། བཅོམ་ལྡན་འདས་ཕྱིར་མི་འོང་བ་ཞེས་བགྱི་བ་ལགས་ན། ཕྱིར་མི་འོང་བ་གང་ལགས་པ་དེ་ལའང་ཡང་སྲིད་པ་ལེན་པ་མཆིས་པར་འགྱུར་ན། ཅིའི་སླད་དུ་ཕྱིར་མི་འོང་བའང་སླར་འདིར་རང
131a4 བཞིན་གྱི་མི་གཙང་བའི་སྲིན་བུ་འཚལ་བའི་ལུས་ཅན་དུ་སྐྱེ་བར་མི་འགྱུར་ལགས། བཀའ་སྩལ་པ། ལུས་དེ་ནི་མི་ལེན་མོད་ཀྱི། དུག་སྨན་བཞིན་དུ་ལུས་ལེན་ཏོ།། དེ་བས་ན་ཕྱིར་མི་འོང་བ་ཞེས།
131a5 བྱའོ།། ཕྱིར་མི་འོང་བ་ཞེས་བྱ་བ་ནི། ལུས་ཞེས་བྱ་བའི་ཐ་ཚིག་གོ།། ཕྱིར་མི་འོང་བ་ཞེས་བྱ་བ་ནི། ཕན་ཚུན་འགྲོ་ཞེས་བྱ་བའི་ཐ་ཚིག་གོ།། གསོལ་པ། བཅོམ་ལྡན་འདས་ཅི་ལགས། བཅོམ
131a6 ལྡན་འདས་ཀྱི་བསྟན་པ་ལ་གསང་བ་མཆིས་སམ། དགོངས་པའི་ཚིག་དགོངས་པའི་ཚིག་ཅིས་གསང་བར་མི་མཛད་དུ་གསོལ། བཅོམ་ལྡན་འདས་ཅི་ལགས། སངས་རྒྱས་ཀྱི་གསུང་མིག་འཕྲུལ
131a7 མཁན་གྱི་འཁྲུལ་འཁོར་དང་། སྒྱུ་མ་མཁན་གྱིས་བགྱིས་པའི་འཁྲུལ་འཁོར་གྱི་སྒྱུ་མའི་བུད་མེད་དང་འདྲ་ལགས་སམ། བཀའ་སྩལ་པ། ངའི་བསྟན་པ་ལ་ནི་གསང་བ་མེད་དེ། སངས་རྒྱས་ཀྱི་གསུང
iiif viewer powered by OpenSeadragon
