| e-texts navigator |
| Wylie |
115b1 ཕྱིར། གོས་སྣ་ཚོགས་ཀྱང་ཁ་དོག་ངན་པར་བསྒྱུར་བར་བྱའོ་ཞེས་བསྟན་ན། ཤ་བ་བའི་རོལ་ཆགས་པ་ལྟ་ཅི་སྨོས།། གསོལ་པ། དེ་ལྟར་ན་ནི་བའི་བཅུད་རྣམ་ལྔ་དང་། ཏིལ་དང་། འཛུམ་ཤིང་།
115b2 ཁུ་བ་དང་། དུང་དང་། ཟབ་དར་ལ་སོགས་པ་འདི་ཁྲིམས་སུ་བཅའ་བའི་རིགས་ལགས་སོ།། བཀའ་སྩལ་པ། གཅེར་བུ་པའི་ལྟ་བ་མ་འཛིན་ཅིག། ང་ནི་འདུ་ཤེས་གཞན་གྱིས་ཁྱོད་ལ་བསླབ
115b3 པའི་གཞི་བཅའ་བར་བྱ་སྟེ། མུ་གསུམ་གྱི་ཤའང་མི་བཟའ་བར་བསྡམས་སོ།། དོན་ཆེད་དུ་བྱས་པ་ཁྱོད་ཀྱིས་རིག་པ་དེའང་བསྡམས་སོ།། ཤཱ་རྣམ་པ་བཅུ་ལ་མ་གཏོགས་པ་དེའང་སྤངས་སོ།།
115b4 ཤི་བའི་ཤའང་སྤངས་སོ།། ཤ་ཟ་བ་ནི་འགྲོའང་རུང་། འདུག་ཀྱང་རུང་སྟེ། སྲོག་ཆགས་ཐམས་ཅད་དེའི་དྲི་ཚོར་ནས་དེས་འཇིགས་ཏེ། དཔེར་ན་མིས་ཤིང་ཀུན་ནམ་སྒྲོག་སྐྱ་ཟོས་ན། མི་འོ་ཅོག་གི
115b5 སེམས་མ་དད་པར་འགྱུར་ཞིང་། མི་མཐུན་པར་འགྱུར་ལ། མི་མང་པོ་འཚོགས་པའམ། སྐྱེ་བོ་མང་པོས་གང་བའི་ནང་དུ་སེམས་ཅན་དེ་དག་གིས་ཆེ་གེ་མོ་ཞིག་གིས་ཟོས་སོ་ཞེས་ཤེས་པ་དེ་བཞིན་དུ།
115b6 སྲོག་ཆགས་ཐམས་ཅད་ཀྱིས་ཤ་ཟ་བའི་མངོ་ཤེས་ཏེ། དེ་དག་གིས་དྲི་ཚོར་ནས། འཆི་བའི་འཇིགས་པས་སྐྲག་པར་འགྱུར་ཏེ། དེ་རྒྱུ་ཞིང་འགྲོ་བ་ན། ཆུ་དང་། སྐམས་དང་། ནམ་མཁའ་ལ
115b7 གནས་པའི་སྐྱེ་བོ་རྣམས་སྐྲག་སྟེ། བདག་ཅག་འདིས་བསད་དེ་འོང་ངོ་སྙམ་ནས། འཁམས་པས་ཀྱང་འཆི་བར་འགྱུར་རོ།། རྒྱུ་དག་གིས་ན། བྱང་ཆུབ་སེམས་དཔའ་སེམས་དཔའ་ཆེན་པོ།
iiif viewer powered by OpenSeadragon
